Mohanlal Resigned from the AMMA President Post: అనేక ఆరోపణల నేపథ్యంలో ఎమోషనల్ అయి స్టార్ అసోసియేషన్ ‘అమ్మ’ అధ్యక్ష పదవికి రాజీనామా చేస్తున్నట్టు మోహన్ లాల్ ప్రకటించారు. పాలకమండలి సభ్యుల ఆన్లైన్ సమావేశంలో మోహన్ లాల్ భావోద్వేగానికి గురయ్యారు. ఈ నిర్ణయం తీసుకునే ముందు మమ్ముట్టితో మోహన్ లాల్ మాట్లాడాడు. నిర్ణయం బాగుందని మమ్ముట్టి కూడా చెప్పారని మోహన్ లాల్ స్పష్టం చేశారు. హేమ కమిటీ నివేదిక వెలువడిన నేపథ్యంలో జరుగుతున్న పరిణామాల నేపథ్యంలో ఈరోజు మలయాళ స్టార్ ఆర్గనైజేషన్ ‘అమ్మ’లో మూకుమ్మడి రాజీనామాలు జరిగాయి. పాలకమండలి సభ్యులందరూ రాజీనామా చేయగా, అధ్యక్షుడు మోహన్ లాల్ రాజీనామా నిర్ణయాన్ని మొదట ప్రకటించారు. 17 మంది సభ్యుల కమిటీ రాజీనామా చేసింది. ఇటీవల అమ్మలో విభేదాలు తీవ్రరూపం దాల్చాయి. వైస్ ప్రెసిడెంట్ జగదీష్తో పాటు కొంత మంది కుర్ర నటులు, మహిళా సభ్యులు పాలకవర్గానికి వ్యతిరేకం అయ్యారని తెలుస్తోంది. ఇక వాట్సాప్ గ్రూప్లో నటీనటులు వాగ్వాదానికి దిగడంతో తాను పాలకమండలికి రాజీనామా చేస్తున్నట్టు మోహన్లాల్ ప్రకటించారు.
Bigg Boss Telugu 8: బిగ్ బాస్ 8.. ఎవర్రా మీరంతా? అనుకోకుండా ఉండలేరు!
రెండు నెలల్లో జనరల్ బాడీ సమావేశమై పాలకమండలిని ఎన్నుకుంటారు. అప్పటి వరకు ప్రస్తుత పాలకమండలిని కూడా తాత్కాలికంగా కొనసాగించాలని భావిస్తున్నారు. ఇక అమ్మలో చీలికపై మోహన్లాల్ భావోద్వేగానికి గురయ్యారు. పెద్ద సంక్షోభాన్ని ఎదుర్కొంటున్నామని మోహన్ లాల్ సభ్యులకు చెప్పినట్లు సమాచారం. రాజీనామా నిర్ణయం తీసుకునే ముందు మోహన్ లాల్ మమ్ముట్టితో మాట్లాడినట్లు చెబుతున్నారు. కాగా, ఈ విషయంపై మోహన్ లాల్ ఇంకా మీడియాతో స్పందించలేదు. ఆయన రాజీనామా చేస్తున్నట్లు మాత్రమే ‘అమ్మ’ ప్రకటన విడుదల చేసింది. ఈ రోజు జరిగిన చర్చలో నటుడు, అమ్మ ఉపాధ్యక్షుడు జగదీష్ తో పాటు పృథిరాజ్ సహా యువ నటులు, నటీమణులు చురకలంటించారని తెలుస్తోంది. ఈ విషయంలో ప్రజా స్పందనకు వెళ్లాలని నిర్ణయించుకుని ‘అమ్మ’ అధ్యక్ష పదవికి రాజీనామా చేస్తున్నట్లు ప్రకటించారని తెలుస్తోంది.
