MathuVadalara2 : మత్తువదలరా -2 మొదటి రోజు వరల్డ్ వైడ్ కలెక్షన్స్..

శ్రీసింహా హీరోగా, కాల భైరవ మ్యూజిక్ డైరెక్టర్ గా సత్య, వెన్నెల కిషోర్ కీలకపాత్రలు పోషించిన చిత్రం మత్తువదలరా సూపర్ హిట్ సాధించిన సంగతి తెలిసిందే. ఆ చిత్రానికి సిక్వెల్ గా వచ్చిన చిత్రం మత్తువదలరా -2. మొదటి భాగాన్ని తెరకెక్కించిన రితేష్ రాణా సిక్వెల్ కు దర్శకత్వం వహించారు. ఈ సినిమా సెప్టెంబర్ 13న ప్రేక్షకుల ముందుకు వచ్చింది. ఫస్ట్ పార్ట్‌కు తగినట్లుగానే సెకండ్ పార్ట్ కూడా పాజిటివ్ రివ్యూలు దక్కించుకుని సక్సెస్‌ఫుల్‌గా దూసుకెళ్తోంది. శ్రీ సింహ కోడూరి మరియు సత్య కామెడీ నవ్వులు పూయించి, హెలేరియస్ బ్లాక్ బస్టర్ థ్రిల్లర్‌గానిలిచింది. క్లాప్ ఎంటర్‌టైన్‌మెంట్ మరియు మైత్రీ మూవీ మేకర్స్  సంయుక్తంగా నిర్మించారు.

Also Read : ChandraHass : ఆటిట్యూడ్ స్టార్ ‘రామ్ నగర్ బన్నీ’ ఫస్ట్ సింగిల్ రిలీజ్

ఇక ఈ చిత్రం విడుదలైన మొదటి రోజు ప్రపంచవ్యాప్తంగా రూ. 5.3 కోట్ల గ్రాస్ వసూలు చేసి సెన్సేషన్ క్రియేట్ చేసింది. చిన్న సినిమాకు ఈ స్థాయి కలెక్షన్స్ అంటే  భారీ  ఓపెనింగ్ అనే చెప్పాలి. ఈ చిత్రం  ఓవర్సీస్ లో కూడా సూపర్ హిట్ టాక్ రాబట్టి మొదటి రోజు $300K పైగా కలెక్షన్స్ కొల్లగొట్టింది. పాజిటివ్ బజ్ మరియు  మౌత్ టాక్ తో అద్భుతమైన వసూళ్లు సాధించింది. ట్రేడ్ వర్గాల విశ్లేషకులు అంచనా ప్రకారం మత్తు వదలారా 2 మొదటి వారాంతంలో హాఫ్ మిలియన్ వసూలు చేస్తుందని, లాంగ్ రన్‌లో 1 మిలియన్ డాలర్ల మార్కును వసూలు చేస్తుందని అంచనా వేస్తున్నారు. ఈ చిత్రం తెలుగు రాష్ట్రాల్లో రోజు మొత్తంలో జోరు పెంచింది. 5 రోజుల లాంగ్ వీకెండ్ రావడం ఈ సినిమాకు మరింత అడ్వాంటేజ్.