బాలకృష్ణ తెలుగు హీరో మాత్రమే కాదు. వున్నట్టుండి పాన్ ఇండియానే కాదు.. పాన్ ఇంటర్నేషనల్ హీరో అయిపోయాడు. బన్నీ.. ప్రభాస్..ఎన్టీఆర్ వంటి పాన్ ఇండియా హీరోలను డాకు మహారాజ్ మించిపోయి కొత్త రికార్డులు సెట్ చేశాడు. ఈ ఏడాది సంక్రాంతి సందర్భంగా నందమూరి బాలకృష్ణ హీరోగా తెరకెక్కిన డాకు మహారాజ్ రిలీజ్ అయింది. సినిమా ఎట్టకేలకు ఈమధ్య నెట్ ఫ్లిక్స్ లోకి వచ్చేసింది నెట్ ఫ్లిక్స్ లోకి వచ్చిన తర్వాత ఈ సినిమా గురించి సోషల్ మీడియాలో పెద్ద ఎత్తున చర్చ జరుగుతోంది. ముఖ్యంగా మలయాళీ, తమిళ ప్రేక్షకులు ఈ సినిమాకి బ్రహ్మరథం పడుతున్నారు. అయితే ఒకప్పుడు నందమూరి బాలకృష్ణను తమిళ మలయాళ ప్రేక్షకులు కేవలం ట్రోల్ మెటీరియల్ లా మాత్రమే చూసేవారు.
Kedar Selagamsetty: షాకింగ్: అల్లు అర్జున్ సన్నిహిత నిర్మాత మృతి?
కానీ ఈ సినిమా చూసిన తర్వాత వారంతా బాలకృష్ణ మీద ప్రశంసల వర్షం కురిపిస్తున్నారు. తెలుగు ప్రేక్షకుల కంటే మలయాళ ప్రేక్షకులే ఎక్కువగా ఈ సినిమా అద్భుతంగా ఉందంటూ ప్రశంసల వర్షం కురిపిస్తున్నారు. నిజానికి ఇప్పటికే అల్లు అర్జున్ మలయాళ నాట మంచి క్రేజ్ ఉంది. కానీ పుష్ప2లో స్విమ్మింగ్ఫూల్ సీన్లో ఫహద్ ఫాసిల్ మీద మూత్రం పోసిన నేపథ్యంలో హర్ట్ అయిన మలయాళీలు పుష్ప 2 మీద విముఖత వ్యక్తం చేశారు. అయితే బాలకృష్ణ హీరోగా వచ్చిన ఈ సినిమా మాత్రం బాగా నచ్చేయడంతో పుష్పకంటే ఇదే బాగుందంటూ ప్రమోట్ చేస్తున్నారు. ఈ సినిమాని రోస్ట్ చేస్తూ మలయాళ యూట్యూబర్ ఒకరు యూట్యూబ్లో వీడియో పెడితే ఆ వీడియో కింద ఒక రేంజ్ లో బాలయ్యని వెనకేసుకు వస్తూ ఆ యూట్యూబర్ మీద యుద్దమే చేస్తున్నారు. మరోపక్క పాకిస్తాన్, బంగ్లాదేశ్, కెన్యా లాంటి దేశాలలో సైతం ప్రస్తుతానికి ఈ సినిమా ట్రెండ్ అవుతోంది. నిజానికి ఈ సినిమాకి సంక్రాంతికి విడుదలైనప్పుడే మంచి టాక్ వచ్చింది. కానీ సంక్రాంతికి వస్తున్నాం సినిమా దెబ్బ గట్టిగా పడటంతో బ్రేక్ ఈవెన్ అయినా సరే లాభాలు దక్కలేదు.
