LuckyBaskhar : లక్కీ భాస్కర్ 3 రోజుల కలెక్షన్స్ ఎంతంటే?..?

విభిన్న సినిమాలు, పాత్రలతో దేశవ్యాప్తంగా తనకంటూ ప్రత్యేక గుర్తింపు సంపాదించుకున్నారు మలయాళ స్టార్ దుల్కర్ సల్మాన్. తెలుగులోనూ “మహానటి”, “సీతా రామం” వంటి ఘన విజయాలను సొంతం చేసుకున్న ఆయన, ఇప్పుడు “లక్కీ భాస్కర్” అనే మరో వైవిధ్యమైన చిత్రంతో ప్రేక్షకుల ముందుకు వచ్చాడు. ప్రతిభగల దర్శకుడు వెంకీ అట్లూరి దర్శకత్వం వహించిన ఈ చిత్రాన్ని సితార ఎంటర్‌టైన్‌మెంట్స్‌, ఫార్చూన్‌ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మించారు. మీనాక్షి చౌదరి కథానాయిక. జి.వి. ప్రకాష్ కుమార్ సంగీతం అందించారు. ఈ చిత్రం దీపావళి కానుకగా అక్టోబర్ 31వ తేదీన ప్రపంచవ్యాప్తంగా భారీ స్థాయిలో విడుదల అయింది.

Also Read : Gopichand : ‘నిన్న అమేజాన్ – నేడు ఆహా’లో ప్రత్యక్షమైన హిట్ సినిమా

కాగా ఒకరోజు ముందుగా ప్రీమియర్స్ తో ప్రేక్షకుల ముందుకు వచ్చిన ఈ సినిమా తోలి ఆట నుండి సూపర్ హిట్ టాక్ అందుకుంది. దుల్కర్ నటన, వెంకీ అట్లూరి దర్శకత్వం ఆడియెన్స్ ను అలరించింది. బ్లాక్ బస్టర్ టాక్ అందుకున్న ఈ సినిమా తోలి రోజు రూ. 12.7 కోట్లు కొల్లగొట్టింది. రెండవ రోజు రూ. 14 కోట్లు వసూళ్లు రాబట్టింది. ఇక మూడవ మొదటి వీకెండ్ శనివారం రూ. 13.7 కోట్లు కలెక్ట్ చేసింది. రిలీజ్ రోజు నాటి కంటే రెండు, మూడు రోజుల్లో ఎక్కవ కలెక్షన్స్ రాబట్టడం విశేషం. మూడు రోజులకు గాను లక్కీ భాస్కర్ రూ. 39.9 కోట్లు వసూలు చేసిందని అఫీషియల్ పోస్టర్ రిలీజ్ చేసారు నిర్మాత నాగవంశీ. నేడు ఆదివారం కావడంతో లక్కీ భాస్కర్ ఈ రోజు కూడా డబుల్ డిజిట్ రాబట్టే ఛాన్స్ ఉంది.