Gopichand : ‘నిన్న అమేజాన్ – నేడు ఆహా’లో ప్రత్యక్షమైన హిట్ సినిమా

మాచో స్టార్ గోపీచంద్, శ్రీను వైట్ల కాంబినేషన్ లో భారీ అంచనాల మధ్య దసరా కానుకగా రిలీజైన సినిమా విశ్వం. చాలా రోజులుగా మంచి హిట్ కోసం ఎదురుచూస్తున్నాడు గోపీచంద్. అటుశ్రీను వైట్ల కూడా ఎలాగైనా హిట్ కొట్టి తన పని అవ్వలేడనై నిరూపించుకోవాలి చూస్తున్న టైమ్ లో వచ్చింది విశ్వం. గోపీచంద్, శ్రీనువైట్ల కలిసి చేసిన ఈ సినిమా ట్రైలర్ రిలీజ్ అయిన సమయంలో శ్రీనువైట్ల తన సేఫ్ జోన్ లో సినిమాను తెస్తున్నాడనే కామెంట్స్ వినిపించాయి.

Also Read : Rebel Star : లోకేష్ కనగరాజ్.. ప్రభాస్ ఫిక్స్.. షూట్ ఎప్పుడంటే..?

థియేటర్లో విడుదలైన ఈ సినిమా  పర్వాలేదు అనే టాక్ తెచ్చుకుంది. ముఖ్యంగా బి, సి సెంటర్స్ లో పండుగ సీజన్ ని క్యాష్ చేసుకుంది విశ్వం. తెలుగు రాష్ట్రాల్లో ని ఒకటి అరా తప్పించి అన్ని ఏరియాల్లో విశ్వం బ్రేక్ ఈవెన్ సాధించింది. కాగా ఈ సినిమా రెండు రోజుల క్రితం దీపావళి కానుకగా అమెజాన్ ప్రైమ్ వీడియో  స్ట్రీమింగ్ కు తీసుకు వచ్చింది. కేవలం థియేటర్లో రిలీజైన 20 రోజుల్లోనే ఓటీటీలోకి వచ్చేసింది. ప్రైమ్ లో రిలీజ్ అయి సూపర్ రెస్పాన్స్ తెచ్చుకుంది. రెండు రోజుల్లోనే మిలియన్ వ్యూస్ రాబట్టింది. ఇదిలా ఉండగా ఈ సినిమా ఇప్పుడు తెలుగు ఓటీటీ ఆహా లో స్ట్రీమింగ్ కు వచ్చింది. ఈ విషయమై అధికారికంగా ప్రకటించింది ఆహా. పీపుల్స్ మీడియా ఫ్యాక్టరీ, చిత్రాలయం స్టూడియెస్ సంయుక్తంగా నిర్మించిన ఈ సినిమా వరుస దారుణ పరాజయాలతో సతమతమవుతున్న దర్శకుడు శ్రీను వైట్ల, గోపీచంద్ కు కాస్త రిలీఫ్ ఇచ్చిందనే చెప్పాలి.  ఆహా లో స్ట్రీమింగ్ అవుతున్న విశ్వం ను ఒకసారి చూసేయండి.