రీసెంట్గా విడుదలైన టాలీవుడ్ చిత్రాల్లో మెగా కోడలు లావణ్య త్రిపాఠి కొణిదెల హీరోయిన్గా నటించిన రొమాంటిక్ ఎంటర్టైనర్ ‘సతీ లీలావతి’ కూడా ఒకటి. దేవ్ మోహన్ హీరోగా నటించిన ఈ చిత్రాన్ని ‘భీమిలి కబడ్డీ జట్టు’ ఫేమ్ దర్శకుడు తాతినేని సత్య తెరకెక్కించారు. మంచి అంచనాల మధ్య ఈ సినిమా థియేటర్లలో విడుదలైంది. అయితే సమ్మర్ సీజన్లో థియేటర్ల వద్ద కొనసాగుతున్న డ్రై పీరియడ్ కారణంగా ఈ మూవీ బాక్సాఫీస్ వద్ద ఆశించిన స్థాయిలో స్పందనను అందుకోలేకపోయింది. ఫ్యామిలీ ఆడియన్స్ను టార్గెట్ చేస్తూ వచ్చిన ఈ రొమ్కామ్ చిత్రం ప్రేక్షకులను పెద్దగా ఆకట్టుకోలేకపోయినప్పటికీ, ఇప్పుడు ఓటీటీ ప్రేక్షకులను అలరించేందుకు సిద్ధమైంది.
థియేటర్లలో విడుదలైన కేవలం రెండు వారాల్లోనే ‘సతీ లీలావతి’ డిజిటల్ స్ట్రీమింగ్లోకి వచ్చేసింది. ఈ సినిమా ఓటీటీ హక్కులను ప్రముఖ ప్లాట్ఫామ్ సన్ నెక్స్ట్ సొంతం చేసుకోగా, ఇవాళ్టి నుంచే స్ట్రీమింగ్ ప్రారంభమైంది. థియేటర్లలో మిస్ అయిన వారు ఇప్పుడు ఇంటి వద్దే ఈ సినిమాను వీక్షించవచ్చు.ఇక ఈ చిత్రానికి మిక్కీ జే మేయర్ సంగీతం అందించగా, నాగ మోహన్ బాబు నిర్మాణ బాధ్యతలు చేపట్టారు.