Krithi Shetty: ‘జనవరి 12 విడుదల’.. హిట్ తప్పనిసరి!

Krithi Shetty January 12 Vidudala

Krithi Shetty January 12 Vidudala

Krithi Shetty Hopes on January 12 Vidudala: ‘ఉప్పెన’ సినిమాతో టాలీవుడ్‌లోకి ఎంట్రీ ఇచ్చిన కృతి శెట్టి.. తొలి చిత్రంతోనే యువత మనసులు దోచుకుంది. బేబమ్మ పాత్రలో తన అందం, అభినయంతో ప్రేక్షకులను ఆకట్టుకుంది. ఆ తర్వాత ‘శ్యామ్ సింగరాయ్’, ‘బంగార్రాజు’ వంటి సినిమాలతో విజయాలు అందుకుంది. దీంతో టాలీవుడ్‌లో స్టార్ హీరోయిన్‌గా ఎదగడం ఖాయమని అందరూ భావించారు. కానీ ఆ తర్వాత వరుస పరాజయాలు ఎదురవడంతో కృతి కెరీర్ ఒక్కసారిగా డీలా పడింది. దీంతో తెలుగు సినిమాలకు కొంతకాలం గ్యాప్ ఇచ్చి.. ఇతర భాషల్లో తన అదృష్టాన్ని పరీక్షించుకుంది.

‘బంగార్రాజు’ తర్వాత కృతి శెట్టికి తెలుగులో ఆశించిన స్థాయిలో విజయాలు దక్కలేదు. మలయాళంలో ‘ఏఆర్ఎం’ సినిమాతో విజయం అందుకున్నప్పటికీ.. అక్కడ వరుస అవకాశాలు రాలేదు. ఇక తమిళంలోనూ స్ట్రెయిట్ సినిమాలు, బైలింగ్వల్ ప్రాజెక్టులు చేసినా పెద్దగా కలిసి రాలేదు. దీంతో కెరీర్ పరంగా బేబమ్మ కొంత ఇబ్బందికర పరిస్థితులను ఎదుర్కొంటున్న సమయంలో మరోసారి టాలీవుడ్‌పై దృష్టి పెట్టింది. ఈ క్రమంలో దర్శకుడు అనిల్ రావిపూడి ఆమెకు గోల్డెన్ట్ ఛాన్స్ ఇచ్చాడు.

వెంకటేష్, కళ్యాణ్ రామ్ ప్రధాన పాత్రల్లో అనిల్ రావిపూడి తెరకెక్కిస్తున్న మల్టీస్టారర్ చిత్రం ‘జనవరి 12 విడుదల’లో కృతి శెట్టి కథానాయికగా నటిస్తోంది. ఈ సినిమాలో వెంకటేష్ సరసన కీర్తి సురేష్ నటిస్తుండగా.. కళ్యాణ్ రామ్‌కు జోడీగా బేబమ్మ కనిపించనుంది. ఇప్పటికే ఈ సినిమాపై ప్రేక్షకుల్లో ఆసక్తి నెలకొంది. సంక్రాంతి కానుకగా జనవరి 12న ఈ మూవీ విడుదల కానుంది. అనిల్ సినిమాల్లో హీరోయిన్ల పాత్రలకు కూడా మంచి గుర్తింపు లభిస్తుంటుంది. ఆయన దర్శకత్వంలో వచ్చిన చాలా చిత్రాల్లో హీరోయిన్స్ కూడా సూపర్ సక్సెస్ అందుకున్నారు. జనవరి 12 విడుదల కూడా హిట్ అయితే కృతికి మరోసారి టాలీవుడ్‌లో అవకాశాలు పెరిగే అవకాశం ఉంది.

ప్రస్తుతం కృతి శెట్టి తమిళంలో రెండు సినిమాలు చేస్తుండటంతో పాటు హిందీనూ అరంగేట్రానికి సిద్ధమవుతోంది. ఈ నేపథ్యంలో తెలుగులో ఓ మంచి హిట్ సాధించడం ఆమె కెరీర్‌కు కీలకంగా మారింది. మరి అనిల్ రావిపూడి దర్శకత్వంలో వస్తున్న జనవరి 12 విడుదలతో బేబమ్మ మళ్లీ విజయాల బాట పడుతుందా?.. టాలీవుడ్‌లో తిరిగి బిజీ హీరోయిన్‌గా మారుతుందా? అన్నది చూడాలి.