Kesari Chapter 2: అంచనాలు పెంచేసేలా ‘కేసరి ఛాప్టర్ 2’ తెలుగు ట్రైలర్

బాలీవుడ్ స్టార్ అక్షయ్ కుమార్ నటించిన హిస్టారికల్ కోర్ట్ డ్రామా ‘కేసరి ఛాప్టర్ 2: ది అన్‌టోల్డ్ స్టోరీ ఆఫ్ జలియన్‌వాలా బాగ్’ థియేటర్లలో అద్వితీయ విజయం సాధిస్తూ, ఇప్పటికే సుమారు రూ.100 కోట్ల వసూళ్లను రాబట్టింది. కరణ్ సింగ్ త్యాగీ దర్శకత్వంలో రూపొందిన ఈ చిత్రం నాలుగో వారంలోనూ హౌస్ ఫుల్‌గా నడుస్తోంది. అక్షయ్ కుమార్, ఆర్. మాధవన్, అనన్య పాండేలు ప్రధాన పాత్రల్లో నటించగా, వారి భావోద్వేగపూరితమైన కోర్ట్ సన్నివేశాల నటనకు విమర్శకుల నుంచి విశేష ప్రశంసలు లభించాయి.
ఈ చిత్రం తెలుగులో డబ్ చేయబడి మే 23న విడుదల కానుంది. హిందీ వెర్షన్‌కు విమర్శకుల ప్రశంసలు, భారీ వసూళ్లు రావడంతో తెలుగు ప్రేక్షకుల్లో ఈ సినిమాపై భారీ అంచనాలు నెలకొన్నాయి.

Also Read:Thug life : కమల్ హాసన్ ’థగ్ లైఫ్’ తెలుగు ట్రైలర్ రిలీజ్..

తాజాగా విడుదలైన తెలుగు ట్రైలర్ జలియన్‌వాలా బాగ్ హత్యాకాండ తర్వాతి సంఘటనలను, బ్రిటిష్ సామ్రాజ్యానికి వ్యతిరేకంగా అక్షయ్ కుమార్ పాత్ర చేసిన న్యాయపోరాటాన్ని ఆకర్షణీయంగా చూపిస్తూ అద్భుతమైన స్పందనను రాబట్టింది. అక్షయ్ కుమార్ తన పాత్రలో లీనమై, తన కెరీర్‌లోనే ఉత్తమ నటనను ప్రదర్శించారు. ఆర్. మాధవన్, అనన్య పాండేల పాత్రలు కూడా ఆకట్టుకున్నాయి. దర్శకుడు కరణ్ సింగ్ త్యాగీ సమగ్ర పరిశోధనతో, భావోద్వేగ కోర్ట్ సన్నివేశాలను వాస్తవికంగా, ఆకర్షణీయంగా తీర్చిదిద్దారు. తెలుగు డబ్బింగ్ నాణ్యత అద్భుతంగా ఉంది, ట్రైలర్‌కు అన్ని వర్గాల నుంచి అద్వితీయ స్పందన లభిస్తోంది. ఈ చిత్రాన్ని ధర్మా ప్రొడక్షన్స్, లియో మీడియా కలెక్టివ్, కేప్ ఆఫ్ గుడ్ ఫిలిమ్స్ సంయుక్తంగా నిర్మించాయి. సురేష్ ప్రొడక్షన్స్ వంటి ప్రముఖ సంస్థ ఈ చిత్రాన్ని తెలుగు రాష్ట్రాల్లో భారీ ఎత్తున విడుదల చేయనుంది. ‘కేసరి ఛాప్టర్ 2’ తెలుగు ప్రేక్షకులకు శక్తివంతమైన సినిమాటిక్ అనుభవాన్ని అందించనుంది.