కీర్తి సురేశ్ ప్రధాన పాత్రలో నటిస్తున్న చిత్రం ‘రఫ్తార్’. ‘రఫ్తార్’ అంటే వేగం.. దానికి తగ్గట్టుగానే ఈ సినిమాలో కీర్తి సురేశ్ మునుపెన్నడూ చేయని ఒక ఇంటెన్స్ అండ్ చేజింగ్ రోల్లో కనిపించబోతున్నట్లు టాక్. కంపా ఫిల్మ్స్ బ్యానర్పై బాలీవుడ్ స్టార్ నటుడు రాజ్కుమార్ రావు భార్య, ప్రముఖ నటి పత్రలేఖ (Patralekhaa) అత్యంత ప్రతిష్టాత్మకంగా నిర్మిస్తున్నారు. ఈ సినిమాను నిజానికి జులై నెలలోనే ప్రపంచవ్యాప్తంగా విడుదల చేయాలని మేకర్స్ భావించారు. కానీ, పోస్ట్ ప్రొడక్షన్ పనులు, విజువల్స్ పర్ఫెక్ట్గా రావడం కోసం చిత్రబృందం ఈ సినిమాను వాయిదా వేస్తున్నట్లు ప్రకటిస్తూ.. సరికొత్త గ్రాండ్ రిలీజ్ డేట్ను లాక్ చేసింది.
కాగా తాజా సమాచారం ప్రకారం ఈ సినిమాను జులై నుండి పోస్ట్పోన్ చేసి.. టాలీవుడ్ అండ్ బాలీవుడ్లో అత్యంత క్రేజీ సీజన్ అయిన దసరా కానుకగా అక్టోబరు 16న థియేటర్లలోకి తీసుకురాబోతున్నట్లు చిత్ర యూనిట్ అధికారికంగా ప్రకటించింది. ఈ మేరకు ఇన్స్టాగ్రామ్ వేదికగా ఒక ఎమోషనల్ అండ్ బ్యూటిఫుల్ నోట్ను మేకర్స్ అభిమానులతో పంచుకున్నారు.. ‘ఒక కలను నిర్మించడానికి సమయం పడుతుందని అంటారు. కానీ, దానిని నిజం చేసుకోవడానికి అంతకంటే ఎక్కువ కృషి, పట్టుదల అవసరం. ‘రఫ్తార్’ అనేది కేవలం ఒక సినిమా మాత్రమే కాదు.. ఇది మా నమ్మకం, పట్టుదల, లెక్కలేనన్ని కలల ఫలితం. ప్రేక్షకులకు ఒక అద్భుతమైన సినిమాటిక్ ఎక్స్పీరియన్స్ అందించడానికే ఈ చిన్న ఆలస్యం. అందుకే దసరా పండుగ సందర్భంగా అక్టోబరు 16న భారీ స్థాయిలో థియేటర్లలోకి వస్తున్నాం”’అని పత్రలేఖ ప్రొడక్షన్ హౌస్ పేర్కొంది.