నిర్మాత కేదార్ మృతిపై ఇంకా మిస్టరీ కొనసాగుతుంది. కేదార్ ఎలా చనిపోయాడు అనే దాని పైన పోలీసులు ఎటు తెలుంచలేకపోతున్నారు. దుబాయ్ లో తన ఫ్లాట్లో నాలుగు రోజుల క్రితం నిర్మాత కేదార్ చనిపోయాడు.. ప్రాథమికంగా గుండెపోటు అని చెప్పినప్పటికీ అందుకు సంబంధించి అధికారికంగా పోలీసులు నిర్ధారించ లేకపోతున్నారు. పోస్టుమార్టం పూర్తి అయిన తర్వాత నివేదిక అనాలిసిస్ చేసిన తర్వాతనే పూర్తి వివరాలు వెల్లడిస్తామని దుబాయ్ పోలీసులు చెబుతున్నారు. మరోవైపు కేదార్ మృతి పైన రాజకీయ ప్రకంపనులు రేకెత్తుతున్నాయి. రాజకీయ వర్గాల్లో కలకలం చెలరేగుతోంది. సినీ నిర్మాతలతో పాటు కొంతమంది మాజీ ఎమ్మెల్యేలు ఇప్పుడు ఆందోళనలో ఉన్నారు. కేదార్ను నమ్ముకొని దాదాపు 100 కోట్ల పైగా డబ్బులను ఇవ్వడం జరిగింది. నలుగురు నిర్మాతలు సినిమా కోసం డబ్బులు ఇవ్వగా రాజకీయ నాయకులు దుబాయ్ లో వ్యాపారం కోసం డబ్బులు ఇచ్చారు. అయితే ఈ డబ్బులు ఇప్పుడు ఎలా తీసుకోవాలి అనే దానిమీద సినీ నిర్మాతలు, రాజకీయ నేతలు మల్లగుల్లాలు పడుతున్నారు.
ఇదిలా ఉంటే ఇద్దరు మాజీ ఎమ్మెల్యేలు కేదార్ కు అత్యంత సన్నిహితంగా ఉన్నారని చెబుతున్నారు. వీళ్లిద్దరి తోటి కలిసి క్రికెట్ మ్యాచ్ తో పాటు ఒక వివాహానికి దుబాయ్ లో కేదార్ అటెండ్ అయ్యాడు. తిరిగి ఒక మాజీ ఎమ్మెల్యేతో కలిసి తన ఫ్లాట్ కి రావడం జరిగింది. అదే రోజు రాత్రి కేదార్ చనిపోయాడు ఆ తర్వాత కేదార్ తో ఉన్న ఆ మాజీ ఎమ్మెల్యేను పోలీసులు ఆరు గంటల పాటు విచారించి తిరిగి ఇండియాకు పంపించి వేశారు. ఇప్పుడు ఇండియాలో ఉన్న ఆ మాజీ ఎమ్మెల్యేలు మాత్రం తాము దుబాయ్ కి వెళ్లలేదని చెప్తున్నారు. ఇకపోతే హైదరాబాదులో తన పరపతి పూర్తిగా పెరిగిపోవడం దానికి తోడు అందరి దృష్టి తన పైన ఉండడంతో కేదార్ తన మకాం దుబాయ్ కి మార్చి వేశాడు. భార్య, పిల్లల్ని ఇక్కడ పెట్టేసి వారంలో నాలుగు రోజులు దుబాయ్ లోనే ఉండిపోతున్నాడు. అక్కడే వ్యాపారాలు చేస్తున్నాడు. చాలామందికి బినామీగా వ్యవహరిస్తున్నాడు.
పదిమంది మాజీ ఎమ్మెల్యేలకు కేదార్ బినామీగా ఉన్నట్టుగా చెప్తున్నారు. అంతేకాకుండా నలుగురు నిర్మాతలకు కూడా కేదార్ బినామీగా వ్యవహరిస్తున్నారని చెప్తున్నారు. హైదరాబాదులో పబ్ బిజినెస్తో పాటు రియల్ ఎస్టేట్ వ్యాపారం కూడా పెద్ద ఎత్తున చేశాడు. ఆ సమయంలో పరిచయమైన అప్పటి ఎమ్మెల్యేలతో కలిసి దుబాయ్ తో పాటు బెంగళూరు, హైదరాబాద్ విజయవాడలో పెద్ద ఎత్తున రియల్ ఎస్టేట్ వ్యాపారాలను కేదార్ నిర్వహిస్తున్నాడు. కేదార్ మృతి అతి సాధారణమైనది అయితే పోలీసులు ఇప్పటికే మృతదేహాన్ని కుటుంబ సభ్యులకి అప్పగించి ఉండేవారు. కానీ కేదార్ మృతి అనుమానాస్పదంగా ఉండడంతో పోలీసులు డీటెయిల్ గా పోస్టుమార్టం చేసి నివేదిక కోసం వెయిట్ చేస్తున్నారు. కేదార్ మృతి పైన పోస్టుమార్టం నివేదిక వచ్చిన తర్వాతనే పోలీసులు కుటుంబ సభ్యులకు మృతి దేహాన్ని అప్పగించే అవకాశం ఉంది. ఏది ఏమైనా ఇప్పుడు కూడా కేదార్ మరణం రాజకీయ – సినీ వర్గాల్లో కలకలం సృష్టిస్తుంది.