“కౌన్ బనేగా క్రోర్ పతి” ఒక ఉత్తేజకరమైన గేమ్ షో. ఇక్కడ పోటీదారులు జనరల్ నాలెడ్జ్, కరెంట్ అఫైర్స్ ఆధారంగా అడిగే అనేక ప్రశ్నలకు సమాధానం ఇవ్వాల్సి ఉంటుంది. అమితాబ్ బచ్చన్ చాలా సంవత్సరాలు ఈ కార్యక్రమాన్ని విజయవంతంగా నిర్వహిస్తున్నారు. కొన్నేళ్ల క్రితం ఈ కార్యక్రమం తెలుగు టెలివిజన్‌లో ప్రారంభమైంది. ఎండెమోల్ షైన్ ఇండియా స్టార్, ఎంఏఏ సహకారంతో తెలుగులో “కౌన్ బనేగా క్రోర్ పతి”ని “మీలో ఎవరు కోటీశ్వరులు”గా నిర్మించింది. అయితే అంతకు ముందే ఈ షోను తెలుగులో చేయాలని భావించి సన్ నెట్‌వర్క్ ప్రదర్శన హక్కులను పొందింది. ఇది దాదాపు 8 సంవత్సరాల క్రితం మాట.
Read also : రాజ్ కుంద్రా, శిల్పాశెట్టి ఇంటిపై రైడ్స్
సన్ నెట్‌వర్క్ యాజమాన్యం మంచు మోహన్ బాబును హోస్ట్ గా చేయమని సంప్రదించారట. అయితే మోహన్ బాబు ఆసక్తి చూపలేదట. వారి ప్రతిపాదనను తిరస్కరించారట. మోహన్ బాబు కుమారుడు మంచు విష్ణు ఇటీవల ఇచ్చిన ఓ ఇంటర్వ్యూలో ఈ విషయాన్ని వెల్లడించారు. ప్రస్తుతం గేమ్ షో హక్కులను సన్ నెట్‌వర్క్ కలిగి ఉంది. యంగ్ టైగర్ జూనియర్ ఎన్టీఆర్ ఈ కార్యక్రమాన్ని నిర్వహిస్తున్నారు. ఈ కార్యక్రమానికి “ఎవరు మీలో కోటీశ్వరులు” అని పేరు పెట్టారు. అంతకుముందు స్టార్ మాలో నాగార్జున, చిరంజీవి ఈ కార్యక్రమాన్ని నిర్వహించారు. మరోవైపు ఓటిటిలో తొలిసారిగా మోహన్ బాబు ఎంట్రీ గురించి ప్రముఖ స్ట్రీమింగ్ సంస్థ చర్చలు జరుపుతున్నట్లు విష్ణు పేర్కొన్నారు.
