NTR- Trivikram: ఎన్టీఆర్-త్రివిక్రమ్ సినిమా కోసం స్టార్ విలన్‌?

త్రివిక్రమ్ “గుంటూరు కారం” తర్వాత ఇప్పటివరకు మరో సినిమాను లైన్‌లో పెట్టలేదు. మధ్యలో అల్లు అర్జున్‌తో ఒక మైథాలజికల్ సినిమాను ప్లాన్ చేశాడు, కానీ క్రియేటివ్ డిఫరెన్సెస్ కారణంగా అల్లు అర్జున్ ఆ సినిమా చేయలేనని చెప్పాడు. ఇప్పుడు అదే సినిమాను జూనియర్ ఎన్టీఆర్‌తో చేస్తున్నాడు. ఇప్పటివరకు అధికారిక ప్రకటన వెలువడలేదు, కానీ సినిమా నిర్మిస్తున్న వంశీ ఇప్పటికే పలుమార్లు సినిమా గురించి హింట్స్ ఇచ్చాడు. ఈ సినిమాలో జూనియర్ ఎన్టీఆర్ కార్తికేయుడి పాత్రలో నటించబోతున్నాడు. ఈ సినిమాలో మిగతా పాత్రల కోసం త్రివిక్రమ్ కీలకమైన నటులను తీసుకునే ప్లాన్‌లో ఉన్నాడు.

Also read:100: పవర్ స్టార్ పవన్ కళ్యాణ్ చేతుల మీదుగా ఆర్కే సాగర్ ‘ది 100’ ట్రైలర్‌ లాంచ్

నిజానికి, త్రివిక్రమ్ సినిమా అంటే కాస్టింగ్ చాలా బలంగా ఉంటుంది. చిన్న చిన్న పాత్రలకు కూడా ప్రముఖ నటులను మాత్రమే తీసుకుంటాడు. ఈ క్రమంలోనే ఎన్టీఆర్ పాత్రకు వ్యతిరేకంగా ఒక రిషి పాత్రలో నటించేందుకు దగ్గుబాటి రానాను సంప్రదించినట్లు తెలుస్తోంది. రానాకు మంచి శరీర సౌష్టవం, అలాగే కమాండింగ్ వాయిస్ ఉంది. ఆ పాత్రకు రానా అయితే సరిగ్గా సరిపోతాడని, ఎన్టీఆర్‌కు సరైన ప్రత్యర్థిగా నిలబడతాడని భావిస్తున్నారు. ఇప్పటికే రాజమౌళి “బాహుబలి”తో రానా మంచి విలన్‌గా గుర్తింపు సంపాదించాడు. ఇప్పుడు ఈ సినిమా కోసం నిజంగానే త్రివిక్రమ్ రానాను తీసుకుంటే, సినిమా మరింత ఎలివేట్ అవ్వడం ఖాయం.