Irumudi Break: ఒకటిన్నర రోజులోనే బ్రేక్ ఈవెన్.. ‘ఇరుముడి’తో రవితేజ బాక్సాఫీస్ విధ్వంసం! ట్రేడ్ రిపోర్ట్ ఇదే..
- Follow Us :
-
-
Add as a preferred
source on google
Irumudi Break: మాస్ మహారాజా రవితేజ నటించిన లేటెస్ట్ ఎమోషనల్ ఫ్యామిలీ డ్రామా ‘ఇరుముడి’ బాక్సాఫీస్ వద్ద అదరగొడుతోంది. భారీ అంచనాల మధ్య ప్రేక్షకుల ముందుకు వచ్చిన ఈ చిత్రం.. కేవలం ఒకటిన్నర రోజులోనే బ్రేక్ ఈవెన్ మార్క్ను దాటేసి సేఫ్ జోన్లోకి వెళ్లినట్లు ట్రేడ్ వర్గాలు చెబుతున్నాయి. దీంతో రవితేజ ఖాతాలో మరో భారీ కమర్షియల్ సక్సెస్ చేరినట్లైంది. కొంతకాలంగా సరైన సక్సెస్ కోసం ఎదురుచూస్తున్న రవితేజకు ‘ఇరుముడి’ అద్భుతమైన ఓపెనింగ్స్ అందించిందని చెబుతున్నారు. బలమైన కంటెంట్కు ప్రేక్షకుల నుంచి మంచి స్పందన రావడంతో థియేటర్లలో ఆక్యుపెన్సీలు క్రమంగా పెరుగుతున్నాయి. మొదటి రోజు కంటే రెండో రోజే ఎక్కువ కలెక్షన్లు నమోదు కావడంతో.. ఈ సినిమా మిడ్ రేంజ్ చిత్రాల్లో ఆల్టైమ్ రికార్డుల దిశగా దూసుకెళ్తున్నట్లు ట్రేడ్ వర్గాలు అంచనా వేస్తున్నాయి. ‘ఇరుముడి’ బాక్సాఫీస్ జోరు బుక్మైషో టికెట్ సేల్స్లోనూ స్పష్టంగా కనిపించిందని ట్రేడ్ వర్గాలు చెబుతున్నాయి. రిలీజ్ అయిన తొలిరోజు గంటకు సుమారు 32 వేల టికెట్ల అమ్మకాలతో ఈ చిత్రం రికార్డు క్రియేట్ చేసిందని వెల్లడించారు. అయితే ఆ రికార్డు ఎక్కువసేపు నిలవలేదని, రెండో రోజే గంటకు 36 వేల టికెట్ల పీక్ సేల్స్తో తన రికార్డును తానే ఇరుముడి సినిమా అధిగమించిందన్నారు. థియేటర్లలో పెరుగుతున్న ఆక్యుపెన్సీలు, టికెట్ సేల్స్ చూస్తుంటే ఈ సినిమా లాంగ్ రన్లో మరిన్ని రికార్డులు సృష్టించే అవకాశాలు ఉన్నాయని అంటున్నారు.
‘ఇరుముడి’ సక్సెస్తో పాటు ఈ సినిమాకు రవితేజ తీసుకున్న రెమ్యునరేషన్ నిర్ణయం కూడా ఇండస్ట్రీలో చర్చనీయాంశంగా మారింది. ఈ సినిమా కోసం ఆయన సుమారు రూ.7 కోట్లు మాత్రమే అడ్వాన్స్గా తీసుకున్నారని సమాచారం. మిగిలిన మొత్తాన్ని లాభాల్లో వాటా రూపంలో, ముఖ్యంగా నైజాం ఏరియా రైట్స్ ద్వారా పొందేలా ఒప్పందం చేసుకున్నట్లు తెలుస్తోంది. సినిమా సక్సెస్ కావడంతో ఈ నిర్ణయం రవితేజకు భారీగా కలిసొచ్చిందనే అభిప్రాయం ట్రేడ్ వర్గాల నుంచి వ్యక్తమవుతోంది. నిర్మాతలపై బడ్జెట్ భారం తగ్గడంతో పాటు.. సినిమా సక్సెస్ అయితే హీరోకు లాభాల్లో గణనీయమైన వాటా దక్కేలా ఈ మోడల్ పనిచేసిందని సినీ వర్గాలు చెబుతున్నాయి. ‘ఇరుముడి’ నైజాం ఏరియాలోనూ బలమైన వసూళ్లు సాధిస్తోంది. తొలిరోజే దాదాపు రూ.4.3 కోట్ల నికర షేర్ రాబట్టినట్లు ట్రేడ్ వర్గాల సమాచారం. ఇదే జోరు కొనసాగితే లాంగ్ రన్లో నైజాం నుంచి సుమారు రూ.20 కోట్ల షేర్ సాధించే అవకాశం ఉందని అంచనాలు వినిపిస్తున్నాయి. ఇటీవల నిర్మాత దిల్ రాజు కూడా బాలీవుడ్లో అమలవుతున్న రెవెన్యూ షేరింగ్ మోడల్ గురించి ప్రస్తావించారు. హీరోలు భారీ రెమ్యునరేషన్కు బదులుగా లాభాల్లో వాటా తీసుకుంటే నిర్మాతలపై భారం తగ్గుతుందని, సినిమా విజయవంతమైతే నటులకు భారీ ప్రయోజనం ఉంటుందని ఆయన పేర్కొన్నారు. ఇప్పుడు ఇదే తరహా మోడల్ను రవితేజ ‘ఇరుముడి’ కోసం అనుసరించడం ఆసక్తికరంగా మారింది. ఇటీవల చెన్నైలో జరిగిన ‘ఇరుముడి’ గ్రాండ్ ప్రెస్మీట్లో రవితేజ మాట్లాడుతూ.. ఈ సినిమాను ప్రేక్షకులు ఎంతో ప్రేమిస్తారని, థియేటర్ నుంచి ఇంటికి వెళ్లేటప్పుడు కథను తమ గుండెల్లో మోసుకెళ్తారని భావోద్వేగంగా చెప్పారు. ప్రస్తుతం ప్రేక్షకుల స్పందన చూస్తుంటే రవితేజ నమ్మకం నిజమవుతున్నట్లే కనిపిస్తోంది. ఫ్యామిలీ ఎమోషన్స్, బలమైన కథతో ‘ఇరుముడి’ బాక్సాఫీస్ వద్ద దూసుకుపోతుండటంతో.. ఈ సినిమా రవితేజ కెరీర్లోనే అత్యంత విజయవంతమైన చిత్రాల్లో ఒకటిగా నిలిచే అవకాశాలు కనిపిస్తున్నాయి.
Also Read
- Vintara Saradaga Release Date: నూతన సంవత్సర కానుకగా గౌరీ ప్రియ ‘వింటారా సరదాగా’!
- Keerthy Suresh: వెరీ టఫ్ కాంపిటీషన్.. మరోసారి రిస్క్ చేస్తోన్న 'మహానటి'!
- Dhurandhar 2 vs Ramayan: 'ధురంధర్ 2' వర్సెస్ 'రామాయణ'.. రెండో శుక్రవారం కలెక్షన్లలో టాప్ మూవీ ఏదంటే?
- Chiranjeevi: 'మెగాస్టార్' ఫ్యాన్స్కు డబుల్ ధమాకా!
తాజావార్తలు
-
IND vs NZ Test: టెస్ట్ స్క్వాడ్లోకి యువ పేసర్.. కుల్దీప్ యాదవ్ను ఎందుకు తప్పించారంటే?
-
Mekedatu Dam Row: కాంగ్రెస్ నేతల మధ్యే మెకెదాటు డ్యామ్ వార్.. కర్ణాటక సీఎంపై తమిళనాడు ఎంపీ ఫైర్!
-
Vaibhav Sooryavanshi: ప్రపంచంలోనే అత్యంత పిన్న కెప్టెన్.. 15 ఏళ్లకే వైభవ్ సూర్యవంశీ చరిత్ర!
-
EPFO Alert: ప్రైవేట్ ఉద్యోగులూ తెలుసుకోండి.. PF విషయంలో EPFO కొత్త అప్డేట్.. డెడ్లైన్ ఇదే..!
-
Rahul Gandhi: గిగ్ వర్కర్ల బాధ నాకు తెలుసు.. ఇచ్చిన మాట నిలబెట్టుకున్నాం..
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!