Indra Re Release: మెగా ఫాన్స్.. పులకించిపోవడానికి రెడీ అవ్వండి!

Indra Re Release : ఇంద్ర సినిమా అప్పట్లో మెగాస్టార్ చిరంజీవి కెరీర్ లో అత్యధిక కలెక్షన్లు సాధించిన సినిమాగా నిలిచింది. అప్పుట్లో రిలీజ్ అయిన ఇంద్ర సినిమాని మెగాస్టార్ చిరంజీవి హీరోగా బి గోపాల్ దర్శకత్వంలో వైజయంతీ మూవీస్ బ్యానర్ అత్యంత ప్రతిష్టాత్మకంగా నిర్మించింది. ఇక వైజయంతి మూవీస్ బ్యానర్ ఏర్పాటు చేసి 50 ఏళ్లు పూర్తవుతోంది. మరోపక్క మెగాస్టార్ చిరంజీవి పుట్టినరోజు కూడా రాబోతోంది. అలాగే ఇంద్ర రిలీజ్ అయి నేటికి 22 ఏళ్ళు పూర్తి అయ్యాయి. ఈ నేపథ్యంలో మెగాస్టార్ చిరంజీవి పుట్టినరోజు సందర్భంగా ఇంద్ర సినిమాని రీ రిలీజ్ చేస్తున్నారు మేకర్స్. వాస్తవానికి ఇప్పుడు రీ రిలీజ్ సినిమాల ట్రెండ్ నడుస్తోంది. కలెక్షన్స్ రావట్లేదు కానీ ప్రేక్షకులు మాత్రం తమ చిన్నప్పుడు థియేటర్లలో చూసిన సినిమాలను మళ్లీ ఇప్పుడు థియేటర్లలో చూసి మురిసిపోతున్నారు. ఇక ఇంద్ర సినిమా రిలీజ్ అయి దాదాపు 22 ఏళ్లు పూర్తయింది.

ట్రోల్ వీడియోలు.. ‘మా’ మరో వార్నింగ్.. ఈసారి 18 యూట్యూబ్ ఛానల్స్ ఊస్టింగ్!

జూలై 24 వ తేదీన అంటే ఈరోజుకి ఈ సినిమా రిలీజ్ అయి 22 ఏళ్లు పూర్తయ్యాయి. మెగాస్టార్ కెరియర్ లో అప్పటివరకు అత్యధిక కలెక్షన్లు రాబట్టిన సినిమాగా నిలవడమే కాదు హైయెస్ట్ గ్రాసింగ్ సౌత్ ఇండియన్ మూవీ గా కూడా నిలిచింది. అంతే కాదు ఈ సినిమా మూడు నంది అవార్డులతో పాటు రెండు సౌత్ ఫిలింఫేర్ అవార్డ్స్ సాధించింది. మెగాస్టార్ చిరంజీవికి బెస్ట్ యాక్టర్ గా నంది అవార్డుతో పాటు ఫిలింఫేర్ అవార్డు కూడా లభించింది. ఒక రాయలసీమ వ్యక్తి అక్కడి ప్రజల కోసం వేల కోట్ల ఆస్తులు వదులుకొని అయిన వారందరిని దూరం చేసుకుని కాశీలో సాధువులా జీవిస్తూ ఉంటాడు. ఇలాంటి కథతో తెరకెక్కిన ఈ సినిమా అప్పటిలో భారీ బ్లాక్ బస్టర్ గా నిలిచింది. మణిశర్మ అందించిన పాటలు ఇప్పటికీ ప్రేక్షకులు, ప్రజలు వింటూనే ఉంటారు. అలాంటి సినిమా ఇప్పుడు మరోసారి ప్రేక్షకుల ముందుకు రానుంది.