Prabhas: ప్రభాస్ సరసన పాకిస్తానీ భామ.. ఇదే ప్రూఫ్!

Iman Esmail to Romance with Prabhas in Hanu Raghavapudi Film: సౌత్ సూపర్ స్టార్ ప్రభాస్ ‘కల్కి 2898 AD’ విజయాన్ని ఎంజాయ్ చేస్తున్నారు. నాగ్ అశ్విన్ దర్శకత్వం వహించిన ఈ సినిమా బాక్సాఫీస్ వద్ద మంచి వసూళ్లను రాబడుతోంది. అదే సమయంలో, ఈ సినిమా తర్వాత ప్రభాస్ తదుపరి సినిమాకు సంబంధించిన సన్నాహాల్లో బిజీగా ఉన్నాడు. కల్కి తర్వాత మారుతీ దర్శకత్వంలో ‘ది రాజా సాబ్’ అనే హారర్ కామెడీ చిత్రంలో ప్రభాస్ నటించనున్నాడు. దీనితో పాటు, ప్రభాస్ హను రాఘవపూడితో ఒక సినిమా చేయనున్నారు. ఇక ఈ సినిమా గురించి ఇప్పుడు అనేక విషయాలు తెరమీదకు వస్తున్నాయి. హను రాఘవపూడితో ప్రభాస్ సినిమా పీరియాడికల్ రొమాంటిక్ యాక్షన్ డ్రామాగా ఉండనుంది. ఇక ఇప్పుడు ఈ సినిమాలో కథానాయికగా నటిస్తున్న నటి పేరు గురించి సోషల్ మీడియాలో చర్చ జోరందుకుంది.

Lavanya: లావణ్య బండారం బట్టబయలు చేసిన రాజ్ తరుణ్ ఫ్రెండ్… అతను రేప్ చేస్తే?

ప్రభాస్‌తో రొమాన్స్‌ను జోడించే నటిని మేకర్స్ ఎంపిక చేసినట్లు చెబుతున్నారు. రిపోర్టుల ప్రకారం ప్రభాస్ సరసన పాకిస్థాన్ నటి సజల్ అలీ నటిస్తుందని ప్రచారం మొదలైంది. దివంగత నటి శ్రీదేవి నటించిన మామ్ చిత్రంలో సజల్ అలీకి మంచి గుర్తింపు వచ్చింది. ఈ వార్త నిజం అవునో కాదో అధికారిక సమాచారం లేదు కానీ మరో ప్రచారం కూడా జరుగుతోంది. ఇమాన్ ఇస్మాయిల్ అనే పాకిస్థానీ నటిని హను రాఘవపూడి సోషల్ మీడియాలో ఫాలో అవుతుండగా ఆమె ప్రభాస్ ను ఫాలో అవడం మొదలు పెట్టింది. దీంతో ఆమె హీరోయిన్ గా ఫిక్స్ అయినట్టు చెబుతున్నారు. ఇక మైత్రి మూవీ మేకర్స్ ఈ ప్రాజెక్ట్ కోసం భారీగా పెట్టుబడి పెడుతున్నారు. ఈ సినిమా త్వరలో ప్రారంభం కానుంది. స్వరకర్త విశాల్ చంద్రశేఖర్ హను రాఘవపూడితో కలిసి ‘సీతా రామం’ విజయవంతమైన తర్వాత ఈ చిత్రం కోసం మళ్లీ కలిసి పని చేయనున్నారు.

స్వాతంత్య్రానికి పూర్వం నాటి రజాకార్ల ఉద్యమం నేపథ్యంలో ఈ సినిమా తెరకెక్కనుందని సమాచారం. ఈ సినిమా షూటింగ్ ఈ ఏడాది ప్రారంభం కానుందని అంటున్నారు. ఇంతకుముందు హను రాఘవపూడి కూడా ఈ సినిమా గురించి కొంత సమాచారాన్ని పంచుకున్నారు. వాస్తవానికి, వరంగల్‌లో NIT విద్యార్థుల ప్రత్యేక సెషన్‌కు హను రాఘవపూడిని అతిథిగా ఆహ్వానించారు. ఈ సమయంలో, అతను ప్రభాస్ తదుపరి చిత్రానికి దర్శకత్వం వహిస్తున్నట్లు ధృవీకరించారు. ప్రభాస్ తో ఓ పీరియాడికల్ యాక్షన్ ఫిల్మ్ చేయబోతున్నట్లు తెలిపారు. ఈ చిత్రం గురించి హను రాఘవపూడి మాట్లాడుతూ, ప్రభాస్‌తో విశాల్ చంద్రశేఖర్ తన సినిమా కోసం మూడు పాటలను కూడా కంపోజ్ చేశారని చెప్పారు.