ఆకట్టుకుంటున్న “సెహరి” పెప్పీ టైటిల్ సాంగ్

హర్ష కనుమిల్లి, సిమ్రాన్ చౌదరి హీరోహీరోయిన్లుగా నూతన దర్శకుడు జ్ఞానసాగర్ ద్వారక దర్శకత్వంలో రూపొందుతున్న రొమాంటిక్ కామెడీ ఎంటర్‌టైనర్ “సెహరి”. ఈ చిత్రాన్ని కన్య పిక్చర్స్ నిర్మిస్తోంది. అభినవ్ గోమఠం, ప్రణీత్ రెడ్డి, అనిషా అల్లా, అక్షిత హరీష్, కోటి తదితరులు కీలక పాత్రలు పోషిస్తున్నారు. విర్గో పిక్చర్స్ బ్యానర్‌పై రూపొందుతున్న ఈ చిత్రానికి అద్వయ జిష్ణు రెడ్డి, శిల్పా చౌదరి నిర్మాతలుగా వ్యవహరిస్తున్నారు. ప్రశాంత్ ఆర్ విహారి సంగీతం అందిస్తున్నారు. దాదాపు నెల క్రితం ఈ చిత్రం నుంచి విడుదలైన టీజర్ కు మంచి స్పందన వచ్చింది. తాజాగా ఈ చిత్రం నుంచి “సెహరి” టైటిల్ సాంగ్ కు సంబంధించిన లిరికల్ వీడియోను విడుదల చేశారు మేకర్స్. ఈ పాటకి భాస్కరభట్ల సాహిత్యం అందించారు. రామ్ మిరియాలా డైనమిక్ గా పాడిన ఈ అద్భుతమైన పెప్పీ ట్రాక్ కు యష్ మాస్టర్ చేసిన కొరియోగ్రఫీ ఆకట్టుకుంటోంది. మీరు కూడా ఈ లిరికల్ వీడియో సాంగ్ ను వీక్షించండి.