Game Changer Ram Charan Shooting Finished: గ్లోబల్ స్టార్ రాంచరణ్ నటిస్తున్న లేటెస్ట్ మూవీ “గేమ్ చేంజర్”. కోలీవుడ్ స్టార్ డైరెక్టర్ శంకర్ తెరకెక్కిస్తున్న ఈ సినిమాను స్టార్ ప్రొడ్యూసర్ దిల్ రాజు నిర్మిస్తున్నారు. ఈ సినిమాలో రాంచరణ్ సరసన హీరోయిన్ గా బాలీవుడ్ స్టార్ హీరోయిన్ కియారా అద్వానీ, అంజలి నటిస్తున్నారు. ఈ సినిమా షూటింగ్ ఎప్పుడో మొదలైనా కూడా దర్శకుడు శంకర్ కమల్ హాసన్ నటించిన ఇండియన్ 2 సినిమాను మధ్యలో రిలీజ్ చేయాల్సి రావడంతో రాంచరణ్ మూవీ షూటింగ్ ఆలస్యం అవుతూ వచ్చింది.
Mirzapur Season 3 Review: మీర్జాపూర్ – 3 ఎలా ఉందంటే..?
ప్రస్తుతం దర్శకుడు శంకర్ ఇండియన్ 2 సినిమాను పూర్తి చేసి తన పూర్తి ఫోకస్ అంతా రాంచరణ్ మూవీపై పెట్టగా సినిమా షూటింగ్ ప్రస్తుతం శరవేగంగా జరుగుతుంది. పొలిటికల్ యాక్షన్ థ్రిల్లర్ గా రూపొందుతున్న ఈ సినిమా షూటింగ్ హైదరాబాద్ లో జరిగింది. తాజాగా రామ్ చరణ్ పార్ట్ షూటింగ్ పూర్తయింది. మూడేళ్లు నుంచి షూటింగ్ జరుపుకుంటున్న ఈ సినిమా ఇంకెన్ని రోజులు షూటింగ్ జరుపుకుంటుంది, ఎప్పుడు ఈ సినిమా పూర్తి అవుతుంది అని కామెంట్స్ వినిపిస్తున్నాయి. ఈ సినిమా షూటింగ్ పూర్తికాగానే రాంచరణ్ తన తరువాత సినిమా షూటింగ్ లో బిజీ కానున్నారు. రామ్ చరణ్ తన తదుపరి సినిమా బుచ్చిబాబు సానా దర్శకత్వంలో ఒక సినిమా చేయనున్నాడు.