Bangaru Babu: ఘనంగా బంగారు బాబు కుమారుడి నిశ్చితార్థం
తెలుగు చలన చిత్ర పరిశ్రమలో ఎన్నెన్నో ప్రతిష్టాత్మక చిత్రాలకు ఫైనాన్స్ చేసిన ప్రముఖ ఫిలిం ఫైనాన్షియర్, ఆర్ – సెక్యూర్డ్ ఫైనాన్స్ అధినేత బంగారు బాబు ( ఈ.వి. రాజారెడ్డి) చిన్న కుమారుడు క్రాంతి రెడ్డి నిశ్చితార్థ మహోత్సవం నేడు (డిసెంబర్ 15) ఘనంగా జరిగింది. క్రాంతి రెడ్డికి ప్రముఖ పారిశ్రామికవేత్త సీతా రామిరెడ్డి – రామ సీత దంపతుల కుమార్తె శిరీష తో హోటల్ తాజ్ కృష్ణలో నిశ్చితార్ధం జరిగింది. ఈ కార్యక్రమానికి పలువురు సినీ, రాజకీయ, వ్యాపార, ప్రముఖులు విచ్చేసి నూతన వధూవరులకు అభినందనలు తెలియజేశారు. ముఖ్యంగా తెలుగు చిత్ర పరిశ్రమ లోని ప్రముఖ నిర్మాతలు, దర్శకులు అందరితో మంచి అనుబంధం కలిగిన బంగారు బాబు కుమారుని నిశ్చితార్థ మహోత్సవానికి చలనచిత్ర ప్రముఖులందరూ తరలి వచ్చారు.
ఈ కార్యక్రమానికి ప్రముఖ నిర్మాతలు కె. ఎస్.రామారావు, సి.కళ్యాణ్, శ్యాం ప్రసాద్ రెడ్డి, పోకూరి బాబురావు, సునీల్ నారంగ్, కె.అచ్చిరెడ్డి, జెమినీ కిరణ్, సాహు గార్లపాటి, డాక్టర్ కే. వెంకటేశ్వరరావు, మైత్రి మూవీ మేకర్స్ అధినేతలు రవి, ఎర్నేని నవీన్, డి.వి.వి. దానయ్య, బెల్లంకొండ సురేష్, కె రాధా మోహన్, సితార ఎంటర్టైన్మెంట్స్ వంశీ, యు వి క్రియేషన్స్ విక్కీ, ప్రముఖ డిస్ట్రిబ్యూటర్ పి.డి. ప్రసాద్ ,లగడపాటి శ్రీధర్ , గోపి ఆచంట, ప్రముఖ నటులు చక్రపాణి, వడ్డే నవీన్, కిరణ్ అబ్బవరం, నవభారత్ బాలాజీ , మాగంటి సుధాకర్, ప్రముఖ దర్శకులు రేలంగి నరసింహారావు, ఎస్వీ కృష్ణారెడ్డి, మెహర్ రమేష్, సంపత్ నంది తదితరులు హాజరై నూతన వధూవరులను ఆశీర్వదించారు.