Sukumar: చిరంజీవి సినిమా ఫ్లాప్ అయితే మేము నిద్రపోయేవాళ్లం కాదు.. సుకుమార్ ఎమోషనల్ స్పీచ్!
- Follow Us :
-
-
Add as a preferred
source on google
Sukumar: మెగా పవర్ స్టార్ రామ్ చరణ్ – డైరెక్టర్ బుచ్చిబాబు సానా కాంబినేషన్లో వచ్చిన ‘పెద్ది’ చిత్రం బాక్సాఫీస్ వద్ద బ్లాక్బస్టర్ హిట్గా నిలిచింది. ఈ నేపథ్యంలో హైదరాబాద్లో నిర్వహించిన గ్రాండ్ సక్సెస్ మీట్కు స్టార్ డైరెక్టర్ సుకుమార్ అతిథిగా విచ్చేశారు. ఈ వేడుకలో సుకుమార్ మాట్లాడిన మాటలు, రామ్ చరణ్పై ఆయన కురిపించిన ప్రశంసలు మెగా అభిమానులను విపరీతంగా ఆకట్టుకుంటున్నాయి. ఈ సందర్భంగా స్టేజ్ ఎక్కగానే మెగాస్టార్ చిరంజీవిపై తనకున్న అభిమానాన్ని సుకుమార్ చాటుకున్నారు. “చిరంజీవి సార్ పక్కన కూర్చున్నంత సేపు నాకు ఊపిరాడనట్లు అనిపించింది. అందుకే స్టేజ్ మీదకు పిలవగానే హ్యాపీగా పరిగెత్తుకుంటూ వచ్చేశాను. చిన్నప్పుడు మీ సినిమా ఫ్లాప్ అయితే మీరు నిద్రపోయేవారేమో కానీ, మీ నెక్స్ట్ సినిమా హిట్ అయ్యే వరకు మేము నిద్రపోయేవాళ్లం కాదు. అలాంటిది మరి చరణ్ను మాకు ఇచ్చినందుకు థాంక్యూ సో మచ్ సార్” అంటూ సుకుమార్ భావోద్వేగానికి గురయ్యారు.
“ఈ సినిమా కథను బుచ్చిబాబు వెళ్లి చరణ్కు కింద నేల మీద కూర్చుని చెప్తుంటే.. ఇద్దరి కళ్లల్లో నీళ్లు తిరిగాయి. ఒక కమర్షియల్ మాస్ హీరో ఇలాంటి విలన్ లేని, కేవలం పరిస్థితులే విలన్ అయ్యే వైవిధ్యమైన కాన్సెప్ట్ సినిమాను ఒప్పుకోవడం మామూలు విషయం కాదు. చరణ్ కష్టానికి, కసికి దక్కిన ఫలితమే ఈ రిజల్ట్. అందరూ చరణ్ నటనను పొగుడుతుంటే.. ‘ఇలాంటి కథ రాయబట్టే కదా నేను చేయగలిగాను’ అని చరణ్ చాలా వినమ్రంగా అన్నాడు. చుట్టుపక్కల వాళ్లందరికీ తెలుసు.. మా చరణ్ బంగారం, అంత మంచి హృదయం ఉన్న వ్యక్తిని నేను ఎక్కడా చూడలేదు” అని రామ్ చరణ్పై ప్రశంసల వర్షం కురిపించారు. తన శిష్యుడు బుచ్చిబాబు గురించి మాట్లాడుతూ.. “ఒక ‘ఉప్పెన’ లాంటి లవ్ స్టోరీ తీసిన కుర్రాడు.. ఇంత పెద్ద ‘పెద్ది’ సినిమాను హ్యాండిల్ చేయడం చాలా గొప్ప విషయం. వన్ ఆఫ్ ది ప్రామిసింగ్ డైరెక్టర్ అయ్యావు. లవ్ యు రా” అంటూ అభినందించారు. అలాగే కథ విని ఎగ్జైట్ అయి అద్భుతమైన మ్యూజిక్ ఇచ్చిన ఏఆర్ రెహ్మాన్కు, మైత్రి మూవీస్ రవి, నవీన్ గార్లకు, కెమెరామెన్ రత్నవేలు, నటుడు జగపతిబాబులకు సుకుమార్ ప్రత్యేక ధన్యవాదాలు తెలిపారు. ఇదే వేడుకలో స్టేజ్ కింద ఉన్న అభిమానులు సుకుమార్, రామ్ చరణ్ కాంబినేషన్లో రాబోతున్న తదుపరి చిత్రం ‘RC 17’ అప్డేట్ కావాలని గట్టిగా అరిచారు. దీనిపై సుకుమార్ నవ్వుతూ రియాక్ట్ అయ్యారు. “ఆర్సీ 17 సినిమా గురించే కదా అడుగుతున్నారు? నాకు అర్థమైంది.. కానీ నేను చెప్పను! నాకు ముందే లీక్ చేయడం ఇష్టం ఉండదు. మీరే ఊహించుకోండి.. థాంక్యూ, లవ్ యు ఆల్” అంటూ సుకుమార్ ఈ సినిమాపై హైప్ పెంచేశారు.
Also Read
- Aakasam Lo Oka Tara: దుల్కర్ కోసం వస్తున్న మల్లు అర్జున్.. 'ఆకాశంలో ఒక తార'కు బన్నీ బూస్ట్!
- Dil Raju - Anil Ravipudi: ఇప్పుడే 2028 సంక్రాంతి కర్చీఫ్ వేసిన దిల్ రాజు.. ఆ డైరెక్టర్తోనే సినిమా!
- Mouli: దొంగ నా కొడుకు.. దొరికేశాడు
- Dil Raju : 'వారణాసి' రిలీజ్ ఓన్లీ నైజాం మాత్రమే చేస్తా.. తేల్చి చెప్పిన దిల్ రాజు!
తాజావార్తలు
-
Cricketer Nandini : వికారాబాద్లో విషాదం.. బీసీసీఐ అండర్-19 క్రికెటర్ నందిని ఆత్మహత్య
-
Aakasam Lo Oka Tara: దుల్కర్ కోసం వస్తున్న మల్లు అర్జున్.. ‘ఆకాశంలో ఒక తార’కు బన్నీ బూస్ట్!
-
Indian Sailors: కరాచీ పోర్టులో చిక్కుకున్న ఆరుగురు భారతీయులు.. పాక్తో భారత్ సంప్రదింపులు!
-
Dil Raju – Anil Ravipudi: ఇప్పుడే 2028 సంక్రాంతి కర్చీఫ్ వేసిన దిల్ రాజు.. ఆ డైరెక్టర్తోనే సినిమా!
-
New Scheme: ఆటో కార్మికులకు తెలంగాణ సర్కార్ గుడ్ న్యూస్.. ‘ఆటో నగర్ కాలనీ’ పేరుతో కొత్త స్కీమ్..
ట్రెండింగ్
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?