పుష్ప రెండో భాగం రిలీజ్ కావడానికి ఇంకా సుమారు 20 రోజుల సమయం ఉంది. ఇప్పటికే ప్రమోషన్స్ మొదలు పెట్టేందుకు ప్రయత్నాలు చేస్తున్నారు మేకర్లు. అయితే సరిగ్గా 20 రోజులు ఉందనగా పుష్ప మ్యూజిక్ డైరెక్టర్ దేవి శ్రీ ప్రసాద్ ఇప్పుడు ఒక సరికొత్త బాంబు విసిరాడు. అసలు విషయం ఏమిటంటే దేవిశ్రీప్రసాద్ సంగీతం అందించిన కంగువా అనే సినిమా ఈ రోజు ప్రేక్షకుల ముందుకు వచ్చింది. ఈ సినిమాకు సంబంధించి ప్రతి ఒక్కరూ దేవిశ్రీప్రసాద్ సంగీతం సినిమాకి మైనస్ అయిందని మాటే మాట్లాడుతున్నారు. నిజానికి ఎక్కువగా సోషల్ మీడియాలో ఈ విషయం మీద చర్చలు కూడా జరుగుతున్నాయి. కావాలని బ్యాక్ గ్రౌండ్ స్కోర్ లో సౌండ్ పెంచేశాడు. తప్ప కావాల్సిన ఔట్పుట్ ఇవ్వలేదని వాదన వినిపిస్తోంది. ఈ సినిమా రిసల్ట్ చూసిన తర్వాత దేవిశ్రీప్రసాద్ పుష్ప 2 కోసం ఏం పని చేశాడు? ఎలాంటి పని చేశాడు? అనే విషయం మీద అనుమానాలు మొదలవుతున్నాయి.
Udaya Shankar: సినీ పరిశ్రమలో విషాదం.. ప్రముఖ ఎడిటర్ హఠాన్మరణం
అయితే పుష్ప 2 విషయంలో దేవిశ్రీప్రసాద్ గురించి పెద్దగా టెన్షన్ పడాల్సిన అవసరం లేదని అంటున్నారు. ఎందుకంటే ఒక సంగీత దర్శకుడు ఒక్కో సినిమాకి ఒక్కో రకమైన మ్యూజిక్ అందిస్తాడు. కంగువ అనేది పూర్తిగా పీరియాడిక్ బ్యాక్ డ్రాప్ ఉన్న సినిమా కావడంతో దానికి అవసరమైన మేర సంగీతం అందించాడు. అదే పుష్ప 2 అనేది ఎలివేషన్స్ తో కూడుకున్న సినిమా కాబట్టి దానికి వేరేలా అందించే అవకాశం ఉంది. దానికి తోడు ఎస్ఎస్ తమన్ తో పాటు మరో సంగీత దర్శకుడు అజనీష్ లోకనాథ్ కూడా ఈ సినిమాకి సంబంధించి బ్యాక్ గ్రౌండ్ స్కోర్ ట్రాక్స్ మీద పనిచేస్తున్నారనే వార్తలు వింటూనే ఉన్నాం. కాబట్టి పూర్తిగా పుష్పా 2 మేకర్స్ దేవిశ్రీప్రసాద్ ఇచ్చిన ఔట్పుట్ మేరకు ముందుకు వెళతారు అనేది నిజమని చెప్పలేం. కాబట్టి ఈ విషయంలో దేవిశ్రీప్రసాద్ పని గురించి పెద్దగా టెన్షన్ పడాల్సిన అవసరం లేదని విశ్లేషకులు చెబుతున్నారు.