SIIMA 2024: సైమా 2024.. దసరా vs హాయ్ నాన్న.. నానితో నానికే పోటీ!

South Indian International Movie Awards (SIIMA) 2024 Nominations: సౌత్ ఇండియన్ ఇంటర్నేషనల్ మూవీ అవార్డ్స్ (SIIMA) తన 12వ ఎడిషన్‌తో బెస్ట్ సౌత్ ఇండియన్ సినిమాలకు అవార్డులు ఇచ్చేందుకు సిద్ధమైంది. తాజాగా SIIMA 2024 2023 క్యాలెండర్ సంవత్సరంలో విడుదలైన చిత్రాల నుండి నామినేషన్లను ప్రకటించింది. SIIMA 2024 ఈవెంట్ 2024 సెప్టెంబర్ 14 మరియు 15 తేదీల్లో దుబాయ్‌లో జరగనుంది. SIIMA చైర్‌పర్సన్ బృందా ప్రసాద్ అడుసుమిల్లి 2023లో విడుదలైన చిత్రాలకు SIIMA నామినేషన్‌లను ప్రకటించారు. నామినేషన్ల గురించి బృందా ప్రసాద్ మాట్లాడుతూ “గత రెండేళ్లుగా దక్షిణాది భారతీయ చలనచిత్ర నిర్మాతలు భాషా అవరోధాన్ని అధిగమించారు, ప్రాంతీయతను కొత్త జాతీయంగా చేయడం ద్వారా జాతీయ విజయాన్ని అందించారు అని అన్నారు. SIIMA 2024లో బలమైన పోటీ నెలకొంది. దసరా (తెలుగు), జైలర్ (తమిళం), కాటేరా (కన్నడ) మరియు 2018 (మలయాళం) సినిమాలు SIIMA నామినేషన్‌లలో ముందున్నాయి. తెలుగులో నాని, కీర్తి సురేశ్‌ జంటగా శ్రీకాంత్‌ ఓదెల దర్శకత్వంలో రూపొందిన ‘దసరా’ 11 నామినేషన్లతో ముందంజలో ఉండగా, నాని, మృణాల్‌ ఠాకూర్‌ జంటగా నటించిన ‘హాయ్‌ నాన్నా’ 10 నామినేషన్లతో రెండో స్థానంలో ఉంది.

Amartya Sen: అప్పట్లో రాహుల్ గాంధీకి రాజకీయాలు నచ్చేవి కాదు.. నెక్ట్స్ ప్రధాని అతడే..?

ఇక తమిళంలో రజనీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో తెరకెక్కిన ‘జైలర్‌’ 11 నామినేషన్లతో ముందంజలో ఉండగా, ఉదయనిధి స్టాలిన్‌, కీర్తి సురేష్‌ జంటగా నటించిన ‘మామన్నన్‌’ 9 నామినేషన్‌లతో రెండో స్థానంలో ఉంది. కన్నడలో, దర్శన్ నటించిన తరుణ్ సుధీర్ దర్శకత్వం వహించిన ‘కాటెరా’ 8 నామినేషన్లతో ముందంజలో ఉండగా, రక్షిత్ శెట్టి -రుక్మిణి వసంత్ నటించిన ‘సప్త సాగరదాచే ఎల్లో – సైడ్ ఎ’ 7 నామినేషన్లతో దగ్గరగా ఉంది. అలా మలయాళంలో, టోవినో థామస్ మరియు ఆసిఫ్ అలీ నటించిన జూడ్ ఆంథనీ జోసెఫ్ దర్శకత్వం వహించిన ‘2018’ 8 నామినేషన్లతో ముందంజలో ఉండగా, మమ్ముట్టి మరియు జ్యోతిక నటించిన ‘కథల్ – ది కోర్’ 7 నామినేషన్లతో దగ్గరగా ఉంది. ఇక ఆన్‌లైన్ ఓటింగ్ విధానం ద్వారా విజేతలను ఎంపిక చేస్తారు. అభిమానులు తమ అభిమాన తారలు మరియు సినిమాలకు www.siima.in మరియు SIIMA యొక్క Facebook పేజీలో ఓటు వేయవచ్చు.