JAILER 2 : నీలాంబరిని విద్యాబాలన్ మైమరిపించగలదా..?

జైలర్2 కోసం నరసింహ లెవల్ ప్లాన్ చేస్తున్నాడు నెల్సన్ దిలీప్ కుమార్. రజనీ కాంత్‌తో ఫేసాఫ్‌కు సమ ఉజ్జీవులైన స్టార్స్ ఉన్నప్పటికీ, యాంటోగనిస్టుగా ఫీమేల్‌ను సెలక్ట్ చేసుకున్నాడు. జైలర్2లో రజనీతో ఢీకొట్టబోతోది విద్యాబాలన్. కాంత అనే పవర్ ఫుల్ క్యారెక్టర్‌లో, ఇంటెన్స్ లుక్‌లో కనిపించబోతుంది. సౌత్ మూలాలున్న విద్యాబాలన్ బాలీవుడ్‌లో పాపులరై అక్కడే సెటిలైంది. కానీ సౌత్ అంటే అభిమానంతో ఇక్కడి నుంచి వచ్చిన ఆఫర్స్ కాదనకుండా చేస్తోంది. ఉరిమి, ఎన్టీఆర్ కథనాయకుడు, మహానాయకుడిలో నటించి మంచి పర్ఫామెన్స్ చేసింది కూడా.

అటు తమిళంలో అజిత్ ‘నేర్కొండ పార్వాయి’లో చిన్న రోల్ చేసిన విద్యా ఇప్పుడు జైలర్2లో ఫుల్ లెంత్ రోల్‌లో కనిపించబోతోంది. ఈ మూవీ అక్టోబర్ 15న ప్రేక్షకుల ముందుకు రాబోతుంది. ఈ సినిమాలో విద్యాబాలన్‌ చేయబోయే క్యారెక్టర్‌ నరసింహ సినిమాలో రమ్యకృష్ణ పాత్రను మించి ఉండబోతోందని టాక్. తాజాగా విడుదల చేసిన జైలర్ 2 కాంత ప్రోమో చూస్తే అలానే అనిపించింది. నీలాంబరి పాత్రలో తలైవర్‌నే డామినేట్ చేసేసింది రమ్య. విద్యాబాలన్ కూడా ‘కాంత’ రోల్‌తో కట్టిపడేస్తుందేమో చూడాలి. ప్రస్తుతం విద్యా ఆచి తూచి సినిమాలు చేస్తోంది. జైలర్2తో పాటు అక్షయ్ కుమార్, అనీజ్ బజ్మీ దర్శకత్వంలో తెరకెక్కుతోన్న మూవీలో నటిస్తోంది. ఇందులో రాశీ ఖన్నా మరో హీరోయిన్. డర్చీ పిక్చర్ మూవీ విద్యా బాలన్ కెరీర్‌కు ఓ మైల్ స్టోన్‌లా మారినట్లు.. కాంత రోల్ ఆమెను మరో మెట్టెక్కిస్తుందేమో చూడాలి.