RAM 23 : రామ్ పోతినేని సినిమా టైటిల్ ఇదే.. మాస్ ఆడియన్స్‌కు కనెక్ట్ అవుతుందా?

ఎనర్జెటిక్ స్టార్ రామ్ పోతినేని కథానాయకుడిగా నటిస్తూ స్వయంగా దర్శకుడిగా వ్యవహరిస్తున్న చిత్రం ‘RAPO23’. నటుడిగానే కాకుండా మొదటిసారి మెగాఫోన్ పట్టి దశాబ్దాల కల నెరవేర్చుకుంటున్న ఈ ప్రాజెక్ట్‌పై ఇండస్ట్రీలోనూ, అభిమానుల్లోనూ ఇప్పటికే భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ పాండిచ్చేరి తీర ప్రాంతంలో శరవేగంగా జరుగుతోంది.తాజా షెడ్యూల్‌లో భాగంగా చిత్రబృందం పాండిచ్చేరిలోని సుందరమైన ప్రదేశాలలో కీలక సన్నివేశాలతో పాటు ఒక కలర్‌ఫుల్ పాటను కూడా చిత్రీకరిస్తోంది. అలాగే భారీ బడ్జెట్‌తో తెరకెక్కుతున్న ఈ సైకలాజికల్ యాక్షన్ థ్రిల్లర్ కోసం కొన్ని పవర్‌ఫుల్ యాక్షన్ ఎపిసోడ్లను కూడా ఇక్కడే ప్లాన్ చేసినట్లు తెలుస్తోంది.

మరోవైపు ఈ సినిమా టైటిల్‌కు సంబంధించి ఫిలిం నగర్ వర్గాల్లో ఒక క్రేజీ ప్రచారం సాగుతోంది. ఈ చిత్రానికి ‘ఏక – ద లోన్ వోల్ఫ్’ (EKA – The Lone Wolf) అనే పవర్‌ఫుల్ టైటిల్‌ను మేకర్స్ పరిశీలిస్తున్నట్లు జోరుగా టాక్ నడుస్తోంది. కథకు తగ్గట్టు సినిమాలో రామ్ పోతినేని పోషిస్తున్న ‘వీర’ పాత్ర తీరుతెన్నులకు ఈ టైటిల్ అత్యంత సరిగ్గా సరిపోతుందని మేకర్స్ భావిస్తున్నారు. రామ్ స్వయంగా కథ, స్క్రీన్‌ప్లే అందిస్తూ దర్శకత్వం వహిస్తుండటంతో ఈ ప్రాజెక్ట్ చాలా ప్రత్యేకంగా మారింది. ప్రస్తుతం సోషల్ మీడియాలో వైరల్ అవుతున్న ఈ టైటిల్ వార్తలపై మేకర్స్ నుండి త్వరలోనే అధికారిక ప్రకటన వచ్చే అవకాశం ఉంది. జెట్ స్పీడ్ లో షూట్ చేస్తున్న ఈ సినిమాకు సామ్ CS సంగీతం అందిస్తున్నారు. వరుస ప్లాప్స్ తో సతమతమవుతున్న రామ్ ఈ సినిమాతో స్ట్రాంగ్ కంబ్యాక్ ఇస్తాడని ఫ్యాన్స్ ధీమా వ్యక్తం చేస్తున్నారు.