“పుష్ప” నెక్స్ట్ షెడ్యూల్ ఎక్కడంటే ?

ఐకాన్ స్టార్ అల్లు అర్జున్ ప్రస్తుతం నటిస్తున్న పాన్ ఇండియా చిత్రం ‘పుష్ప’. క్రియేటివ్ డైరెక్టర్ సుకుమార్ దర్శకత్వంలో ఈ సినిమా రెండు భాగాలుగా వస్తుందని ప్రకటించారు. ఇక ఈ రెండు భాగాల బడ్జెట్ రూ.250 కోట్ల వరకు ఉంటుందట. రెండు భాగాలుగా తెరకెక్కుతునన్ “పుష్ప” ఒకేసారి తెలుగు, హిందీ, తమిళం, కన్నడ, మలయాళ భాషల్లో విడుదల కానుంది. ఇక ఇప్పటికే విడుదల చేసిన ‘ది ఇంట్రడక్షన్ ఆఫ్ పుష్పరాజ్’ వీడియో ఇంటర్నెట్ లో రికార్డుల మీద రికార్డులు క్రియేట్ చేస్తోంది. ఈ సినిమాను మైత్రీ మూవీస్ నిర్మిస్తుండగా… రశ్మిక హీరోయిన్ గా నటిస్తోంది. ఇక మలయాళ స్టార్ హీరో ఫహద్ ఫాజిల్ ప్రతినాయకుడుగా సందడి చేయనున్న ఈ సినిమా ఎర్రచందనం స్మగ్లింగ్ నేపథ్యంగా తెరకెక్కుతోంది. అయితే ఇప్పటికే ఈ చిత్రంలో ఓ స్పెషల్ సాంగ్ ఉంటుందని , అందులో బాలీవుడ్ బ్యూటీ దిశా పటాని స్టైలిష్ స్టార్ తో స్టెప్పులు వేయనుందని అనే వార్తలు విన్పిస్తున్నాయి.

Read Also : “బీస్ట్”గా విజయ్… ఇళయ దళపతి లుక్ అదుర్స్

తాజా అప్డేట్ ఏమిటంటే… ఈ చిత్రం నెక్స్ట్ షెడ్యూల్ గోవాలో జరగనుందట. సమాచారం ప్రకారం గోవాలో భారీ షెడ్యూల్ ను ప్లాన్ చేశారట మేకర్స్. జూలై 5న ప్రారంభం కానున్న ఈ షెడ్యూల్ లో దాదాపు 30 రోజుల పాటు ఏకధాటిగా షూటింగ్ జరుగుతుంది. ఇప్పటికే సుకుమార్ లొకేషన్లను కూడా ఫిక్స్ చేశారట. ఈ అందమైన గోవా లొకేషన్లు సినిమాలో ప్రేక్షకులకు కన్నుల విందు చేయనున్నాయి. అంతేకాదు ఈ షెడ్యూల్‌లో పుష్ప రాజ్ ఇంట్రడ్యూసింగ్ సాంగ్ ను కూడా చిత్రీకరించాలని యోచిస్తున్నట్లు తెలిసింది. పుష్ప గోవా షెడ్యూల్ తరువాత అల్లు అర్జున్ ఆగస్టులో “ఐకాన్” షూట్‌లో చేరే అవకాశం ఉంది. అయితే, ఐకాన్ గురించి మరిన్ని వివరాలు తెలియాల్సి ఉంది.