Allu Arjun : కేరళలో భారీ ఎత్తున ‘పుష్ప 2’ ప్రీ రిలీజ్ ఈవెంట్

అల్లు అర్జున్ నటిస్తున్న పుష్ప ప్రమోషన్స్ జెట్ స్పీడ్ లో చేస్తోంది నిర్మాణసంస్థ. ఇటీవల చెన్నై ఈవెంట్ ముగించిన మేకర్స్, ఈ రోజు  మలయాళ ప్రీ రిలీజ్ ఈవెంట్ ను  కొచ్చి లోని గ్రాండ్ హయత్  గ్రాండ్ గా నిర్వహిస్తున్నారు. ఈవెంట్ జరిగే వేదిక వద్దకు  ఇప్పటికే  వేలాది మంది అల్లు అర్జున్ ఫ్యాన్స్ చేరుకున్నారు. ఈ రోజు సాయంత్రం 6 గంటల నుంచి పుష్ప 2 ఈవెంట్ మొదలుకానుంది. తాజాగా రిలీజ్ చేసిన పుష్ప -2 మలయాళ ట్రైలర్ కు అద్భుత స్పందన లభించింది. ఇక బన్నీతో శ్రీలీల చేసిన  కిస్సీక్ స్పెషల్ సాంగ్ కు దేశవ్యాప్తంగా ప్రేక్షకులు బ్రహ్మరథం పట్టారు

Also Read : Pushpa -2 : దేవిశ్రీ ప్రసాద్ వివాదంపై మైత్రీ నిర్మాతల రియాక్షన్

సుకుమార్ డైరెక్షన్ లో తెరకెక్కుతున్న ఈ భారీ బిగ్గెస్ట్ పాన్ ఇండియా మూవీలో  హీరోయిన్ గా రష్మిక మందన్ననటిస్తోంది. రాక్ స్టార్  దేవిశ్రీ ప్రసాద్ సంగీతం అందిస్తున్నాడు. సుకుమార్ రైటింగ్స్ అసోసియేషన్ తో మైత్రి మూవీ మేకర్స్ బ్యానర్ పై భారీ బడ్జెట్ పై నిర్మిస్తున్నారు. అల్లు ఫ్యాన్స్ భారీ అంచనాలు పెట్టుకున్న ఈ సినిమాల డిసెంబర్ 5న వరల్డ్ వైడ్ గా రిలీజ్ కు రెడీ గా ఉంది. రిలీజ్ కు ముందే దేశ వ్యాప్తంగా పుష్ప2 సంచనాలు నమోదు చేస్తోంది. ఇప్పటికే ఇండియన్ ఫిల్మ్ ఇండస్ట్రీ లో భారీ స్థాయిలో పుష్ప ప్రీ – రిలీజ్ బిజినెస్ జరిగింది. నెల రోజుల ముందుగానే ఓవర్సీస్ లో పుష్ప 2 బుకింగ్స్ ఓపెన్ చేయగా  టికెట్స్ హాట్ కేకుల్లా అమ్ముడుపోతున్నాయి. మలయాళ నటుడు ఫహద్ ఫాజిల్, రావు రమేశ్, సునీల్ , జగపతిబాబు, అనసూయ కీలక పాత్రల్లో నటించారు.