Allu Arjun : కొత్తింటికి అల్లు అర్జున్?

Allu Arjun New House: టాలీవుడ్ ఐకాన్ స్టార్ అల్లు అర్జున్ తన కలల సౌధాన్ని అత్యంత విలాసవంతంగా తీర్చిదిద్దుకుంటున్నారు. జూబ్లీహిల్స్‌లో మెగాస్టార్ చిరంజీవి నివాసానికి అతి సమీపంలోనే ఈ కొత్త మేన్షన్ రూపుదిద్దుకోవడం విశేషం. తాజాగా అందుతున్న సమాచారం మేరకు మెగాస్టార్ చిరంజీవి ఇంటికి కూతవేటు దూరంలోనే అల్లు అర్జున్ తన నూతన గృహాన్ని నిర్మిస్తున్నారు. దాదాపు 4 వేల చదరపు గజాల సువిశాల విస్తీర్ణంలో ఈ మేన్షన్ నిర్మాణం జరుగుతోంది. అత్యాధునిక హంగులు, గ్లోబల్ డిజైన్‌తో నిర్మిస్తున్న ఈ ఇంటి కోసం బన్నీ సుమారు 100 కోట్ల రూపాయలు ఖర్చు చేస్తున్నట్లు సమాచారం.

Also Read : Mega 158: మెగాస్టార్‌కు విలన్‌గా డింపుల్ హయాతి?

గత కొద్ది రోజులుగా అల్లు అర్జున్ తన ఫ్యామిలీతో కలిసి ముంబైకి మకాం మారుస్తున్నారనే ప్రచారం జోరుగా సాగింది. అయితే, ఇందులో పూర్తి నిజం లేదని తెలుస్తోంది. ప్రస్తుతం తండ్రి అల్లు అరవింద్‌తో కలిసి ఉంటున్న బన్నీ, కేవలం తన అప్ కమింగ్ మూవీ ‘రాకా’ షూటింగ్ షెడ్యూల్స్ కోసం మాత్రమే ముంబైలో ఉండనున్నారని సమాచారం. అది కేవలం తాత్కాలికమే తప్ప, శాశ్వతంగా అక్కడికి వెళ్లడం లేదని సన్నిహిత వర్గాల టాక్. ఇక మరో పక్క బన్నీ విలాసవంతమైన భవన నిర్మాణ పనులు ప్రస్తుతం శరవేగంగా జరుగుతున్నాయి. అన్ని పనులు పూర్తి చేసి, ఈ ఏడాది చివరి నాటికి అల్లు అర్జున్ తన కుటుంబంతో కలిసి ఈ కొత్త ఇంట్లోకి అడుగుపెట్టాలని ప్లాన్ చేస్తున్నారు. టాలీవుడ్‌లోనే వన్ ఆఫ్ ది మోస్ట్ లగ్జరీ హౌస్‌గా నిలవబోతున్న ఈ మేన్షన్, గృహప్రవేశం తర్వాత అభిమానుల్లో మరింత ఆసక్తిని రేకెత్తించడం ఖాయం.