Shaktiman : పుష్ప రాజు కాదు శక్తిమాన్!

అల్లు అర్జున్ హీరోగా, బాసిల్ జోసెఫ్ దర్శకత్వంలో ఒక సినిమా ఒప్పందం అయినట్టు నిన్నటి నుంచి ప్రచారం జరుగుతోంది. దీని గురించి అల్లు వారి కాంపౌండ్ నుంచి గానీ, మలయాళ సినీ వర్గాల నుంచి గానీ ఎలాంటి స్పష్టత లేదు. ఈ మధ్య ఒక ఇంటర్వ్యూలో బన్నీ వాసు మాట్లాడుతూ, అల్లు అర్జున్ ఇప్పటికే ఒక సినిమాను ఖరారు చేశాడని, దాని గురించి విన్నప్పుడు మీరందరూ ఆశ్చర్యపోతారని చెప్పాడు.

Also Read : Flight Crash: విమానంలో లోపాన్ని ముందే గుర్తించిన యువకుడు.. సంచలన విషయాలు వెల్లడి..!

అయితే, అది ఏ సినిమా అనే విషయంపై ఆయన స్పష్టత ఇవ్వలేదు. కానీ, బాసిల్ జోసెఫ్ సినిమా ఖరారైనట్టు తెలుస్తోంది. అంతేకాదు, ఈ సినిమాలో ఆయన శక్తిమాన్‌గా కనిపించబోతున్నాడని అంటున్నారు. 90ల పిల్లలకు శక్తిమాన్ గురించి ప్రత్యేకంగా పరిచయం చేయాల్సిన అవసరం లేదు. ఇప్పుడు అదే శక్తిమాన్‌గా అల్లు అర్జున్ నటిస్తున్నాడనే వార్త ఆసక్తికరంగా మారుతోంది. నిజానికి, ఈ సినిమాను ముందుగా రణవీర్ సింగ్ హీరోగా చేయాల్సి ఉండగా, ఇప్పుడు అల్లు అర్జున్ హీరోగా, బాసిల్ జోసెఫ్ దర్శకత్వంలో సోనీ పిక్చర్స్ సంస్థ సినిమాను నిర్మించేందుకు సిద్ధమవుతోంది.