మెగా అప్డేట్… “ఆచార్య” రిలీజ్ కూడా అప్పుడే…!

మెగాస్టార్ చిరంజీవి నటిస్తున్న తాజా యాక్షన్ డ్రామా “ఆచార్య”. హిట్ డైరెక్టర్ కొరటాల శివ దర్శకత్వంలో తెరకెక్కుతున్న మరో సోషల్ మెసేజ్ మూవీ. ఇందులో చిరంజీవి సరసన కాజల్ అగర్వాల్ హీరోయిన్ గా నటిస్తోంది. ఈ భారీ బడ్జెట్ క్రేజీ ప్రాజెక్ట్ ను రామ్ చరణ్ తో కలిసి నిరంజన్ రెడ్డి నిర్మిస్తున్నారు. ఈ సినిమాలో మెగాపవర్ స్టార్ రామ్ చరణ్, పూజా హెగ్డే సైతం కీలక పాత్రల్లో కనిపించబోతున్నారు. ఈ చిత్రంలో చిరు, చరణ్ ఇద్దరూ నక్సలైట్లుగా కనిపిస్తారు. చరణ్ సిద్ధ పాత్రలో నటించనున్నాడు. ఆయన ప్రియురాలిగా పూజా హెగ్డే కనిపించబోతోంది. ఈ చిత్రానికి మణిశర్మ సంగీతం అందిస్తున్నారు. ఈ సినిమా ఇంకా చిత్రీకరణ దశలో ఉంది. బుధవారం రోజునే సినిమా షూటింగ్ కు సంబంధించిన అధికారిక ప్రకటన వచ్చింది.

Read Also : ఆగష్టు 15న వరుణ్ తేజ్ మెగా అప్డేట్

అందులో రెండు పాటలు మినహా షూటింగ్ మొత్తం పూర్తయ్యిందని వెల్లడించారు. టాకీ పార్ట్ ను పూర్తి చేసుకున్న “ఆచార్య” త్వరలోనే పోస్ట్ ప్రొడక్షన్ ప్రారంభించనున్నారు. అయితే ఈ సినిమా రిలీజ్ డేట్ ను ఇంకా మేకర్స్ ప్రకటించలేదు. అయితే సోషల్ మీడియాలో మాత్రం ఈ సినిమా రిలీజ్ డేట్ కు సంబంధించిన ఓ వార్త ప్రచారం అవుతోంది. ఈ సినిమా కూడా సంక్రాంతి బరిలోకి దిగుతుందని, కాకపోతే ఇంతకుముందు ప్రకటించిన సినిమాల కంటే 10 రోజుల ముందుగా రాబోతోందని అంటున్నారు. 2022 జనవరి 7న ఈ సినిమాను రిలీజ్ చేయనున్నారు. దీనిపై త్వరలోనే మేకర్స్ నుంచి అధికారిక ప్రకటన రానుంది అని సమాచారం.