Jithu Madhavan: మలయాళ ప్రేక్షకులను తన మాస్ మ్యానరిజంతో ఊపేసిన సినిమా ‘ఆవేశం’. ఇందులో రంగన్న పాత్రలో ఫహద్ ఫాసిల్ చేసిన రచ్చ అంతా ఇంతా కాదు. ఈ సినిమా బ్లాక్‌బస్టర్ హిట్ అయినప్పటి నుంచే, దీనికి సీక్వెల్ ఎప్పుడు వస్తుందా అని సినీ ప్రియులు ఎంతో ఆసక్తిగా ఎదురుచూస్తున్నారు. అయితే, రంగన్నను మళ్లీ థియేటర్లలో చూడాలనుకుంటున్న అభిమానులకు డైరెక్టర్ జిత్తు మాధవన్ పెద్ద షాక్ ఇచ్చారు. ‘ఆవేశం’ సీక్వెల్ ఇప్పట్లో ఉండే అవకాశం లేదని ఆయన తాజా స్పష్టం చేశారు.
బాక్సాఫీస్ వద్ద రికార్డులు తిరగరాసిన ‘ఆవేశం’ సినిమాకు పార్ట్ 2 ఉంటుందని గత కొంతకాలంగా సోషల్ మీడియాలో జోరుగా ప్రచారం జరుగుతోంది. అయితే దర్శకుడు జిత్తు మాధవన్ తెరకెక్కించిన రీసెంట్ హిట్ మూవీ ‘సీన్’ కి కూడా సీక్వెల్ ప్లాన్ చేస్తున్నారంటూ వార్తలు వచ్చాయి. ఈ రూమర్స్‌పై జిత్తు మాధవన్ తాజాగా స్పందించారు. ఈ రెండు సినిమాలకు సంబంధించిన సీక్వెల్స్ ఇప్పట్లో పట్టాలెక్కే ప్రసక్తే లేదని ఆయన కుండబద్దలు కొట్టారు.
సాధారణంగా ఒక సినిమా సూపర్ హిట్ అయితే, ఆ క్రేజ్‌ను క్యాష్ చేసుకోవడానికి దర్శకనిర్మాతలు వెంటనే సీక్వెల్ ప్రకటిస్తుంటారు. కానీ జిత్తు మాధవన్ మాత్రం అందుకు భిన్నంగా ఆలోచిస్తున్నారు. ప్రస్తుతానికి తన దృష్టి అంతా కొత్త కథలపైనే ఉందని, పాత సినిమాల సీక్వెల్స్ చేసే ఆలోచన లేదని ఆయన మాటల్లో స్పష్టమవుతోంది. ‘ఆవేశం’లో రంగన్న క్యారెక్టర్‌కు వచ్చిన క్రేజ్ దృష్ట్యా పార్ట్ 2 వస్తే బాక్సాఫీస్ వద్ద మరోసారి పూనకాలు ఖాయమని ఫ్యాన్స్ భావించారు. కానీ డైరెక్టర్ తాజా ప్రకటనతో ఫహద్ అభిమానులు కాస్త నిరాశకు గురవుతున్నారు. భవిష్యత్తులో ఎప్పుడైనా ఈ ప్రాజెక్టులపై కదలిక వస్తుందేమో చూడాలి మరి.