Prabhas : రెబల్ స్టార్ ‘ప్రభాస్’ పేరుతో ఊరు.?

పాన్ ఇండియా స్టార్ ప్రభాస్ క్రేజ్ గురుంచి ప్రత్యేకంగా చెప్పక్కర్లేదు. తెలుగు రాష్ట్రాల్లోనే కాకుండా బాహుబలి సినిమాతో వరల్డ్ వైడ్ గా అభిమానులను సంపాదించుకున్నాడు ప్రభాస్. ప్రభాస్ పేరుతో చెరగని రికార్డ్స్ ఉన్నాయని అందరికి తెలుసు కానీ ప్రభాస్ పేరుతో ఏకంగా ఒక ఊరు ఉందని విషయం చాలా మందికి తెలియదు. ఆ విషయాన్నీ ఓ తెలుగు బ్లాగర్ బయట పెట్టాడు. వివరాలలోకెళితే
‘ప్రభాస్’ అనే ఊరు ఉంది. కానీ అది ఇండియాలో కాదు.

Also Read : Madhavi Latha : మాధవిలతపై కేసు నమోదు

భారతదేశానికి పోరుగు దేశమైన నేపాల్ లో ప్రభాస్ పేరుతో చిన్న పట్టణం ఉంది. తెలుగు వాడైనా ఓ మోటో బ్లాగర్ నేపాల్ పర్యటన చేస్తున్నాడు. రైడ్ లో బైక్ పై వెళుతుండగా అతనికి ఈ విలేజ్ కనిపించింది. దీంతో వెంటనే ఓ వీడియో చేసి డార్లింగ్ పేరుతో ఊరు ఉందంటూ సోషల్ మీడియా లో వీడియో షేర్ చేశాడు. దీంతో ప్రభాస్ ఫ్యాన్స్ ఈ వీడియోను తెగ షేర్ చేస్తున్నారు. కాగా, సచిన్, కోహ్లిల పేరిట రైల్వే స్టేషన్లు ఉన్న విషయం తెలిసిందే. ఇప్పుడు ప్రభాస్ పేరుతో ఊరు ఉందని తెలియడంతో ఫ్యాన్స్ ఖుషి అవుతున్నారు. అయితే ఈ ఊరికి మొదటి నుండి ప్రభాస్ పేరు ఉందని సమాచారం. కాగా ప్రభాస్ కు ఇండియాతో పాటు నేపాల్ లోను భారీ ఫాలోయింగ్ ఉంది. రెబల్ స్టార్ గత సినిమాలైనా బాహుబలి, ఆదిపురుష్, సలార్. కల్కి సినిమాలు నేపాల్ మార్కెట్ లో భారీ వసూళ్లు రాబట్టాయి.