దుమ్మురేపుతున్న “సిగ్గెందుకురా మామ” సాంగ్

‘ఎస్.ఆర్. కళ్యాణ మండపం’ నుంచి విడుదలైన “సిగ్గెందుకురా మామ” అనే మాస్ లిరికల్ సాంగ్ దుమ్మురేపుతోంది. క్రియేటివ్ డైరెక్టర్ సుకుమార్ ఈ సాంగ్ ను విడుదల చేయగా…భారీ వ్యూస్ తో యూట్యూబ్ లో హల్చల్ చేస్తోంది. ఈ సాంగ్ 1 మిలియన్ కు పైగా వ్యూస్ రాబట్టినట్టు మేకర్స్ ప్రకటించారు. అంతేకాదు ఈ సాంగ్ నెంబర్ 2 స్థానంలో ట్రెండ్ అవుతోంది. ఈ చిత్రంలో ఇది మూడవ సాంగ్ కాగా… దీనిని అనురాగ్ కులకర్ణి ఆలపించారు. చైతన్ భరద్వాజ్ సంగీతం అందించారు. ప్రస్తుతం ఈ సాంగ్ మాస్ ప్రేక్షకులను బాగా ఆకట్టుకుంటుంది. ఇంతకుముందు ఈ చిత్రం నుంచి విడుదలైన సాంగ్స్ లాగే ఈ పాట కూడా సెన్సేషన్ క్రియేట్ చేస్తోంది.

Read Also : మామిడి పండ్లు అమ్మిన సీనియర్ నటుడు…. !!

ఇప్పటికే ఈ చిత్రం నుంచి విడుదలైన సాంగ్స్ కు అద్భుతమైన రెస్పాన్స్ వచ్చింది. “చూశాలే కళ్ళారా, చుక్కల చున్నీతో” సాంగ్స్ అయితే యూట్యూబ్ లో సెన్సేషన్ క్రియేట్ చేశాయి. టీజర్ కు కూడా మంచి స్పందనే వచ్చింది. రాయలసీమ నేపథ్యంలో సాగే ఈ రొమాంటిక్ డ్రామాలో హీరో తండ్రిగా సాయికుమార్ నటించగా, తనికెళ్ల భరణి, తులసి, శ్రీకాంత్ అయ్యంగార్ ఇతర ప్రధాన పాత్రలు పోషించారు. ప్రమోద్, రాజు నిర్మించిన ఈ సినిమా ఎప్పుడో విడుదల కావాల్సింది. కానీ కరోనా కారణంగా రిలీజ్ ను పోస్ట్ పోన్ చేశారు. థియేటర్లు ఎప్పడు తెరుచుకుంటే అప్పుడే తమ చిత్రాన్ని విడుదల చేస్తామని నిర్మాతలు తెలియచేశారు.