Chiru: ఫెబ్ 27 నుంచి ఒటీటీలో కనిపించనున్న మాస్ మూల విరాట్
మెగాస్టార్ చిరంజీవి నటించిన వాల్తేరు వీరయ్య సినిమా ఈ సంక్రాంతికి ఆడియన్స్ ముందుకి వచ్చి బ్లాక్ బస్టర్ హిట్ అయ్యింది. చిరు వింటేజ్ మాస్ గెటప్ లో కనిపించి సంక్రాంతిని కాస్త ముందుగానే తెచ్చాడు. ప్రీమియర్స్ నుంచి పాజిటివ్ టాక్ ని సొంతం చేసుకున్న వాల్తేరు వీరయ్య సినిమాలో చిరు టైమింగ్, డాన్స్ లో గ్రేస్, ఫ్యాన్ స్టఫ్ ని పర్ఫెక్ట్ గా బాలన్స్ చేసిన దర్శకుడు బాబీ సాలిడ్ హిట్ కొట్టాడు. మాస్ మూలవిరాట్ గా కనిపించిన చిరు ఒకప్పటి మెగాస్టార్ ర్యాంపేజ్ ఎలా ఉంటుందో ప్రతి ఒక్కరికీ గుర్తు చేశాడు. ఇక బాబీ ట్రంప్ కార్డ్ అయిన రవితేజ ఎపిసోడ్ ని వాల్తేరు వీరయ్య సినిమాకే హైలైట్ గా మలిచారు. చిరు, రవితేజల మధ్య వచ్చే సీన్స్, ఈ ఇద్దరూ అన్నదమ్ములుగా పండించిన ఎమోషన్స్ పర్ఫెక్ట్ గా వర్కౌట్ అయ్యాయి.
కామెడీ, ఫ్యామిలీ ఎమోషన్స్, యాక్షన్ ఎపిసోడ్స్ ఇలా అన్ని ఎలిమెంట్స్ ఉన్నాయి కాబట్టే మెగా ఫాన్స్ మాత్రమే కాకుండా తెలుగు సినీ అభిమానులంతా వాల్తేరు వీరయ్య సినిమా చూసి ఎంజాయ్ చేశారు. కేవలం ఓవర్సీస్ లోనే 2.5 మిలియన్ డాలర్స్ కి పైగా రాబట్టిన ఈ సినిమా ఓవరాల్ గా థియేటర్స్ లో దాదాపు 300 కోట్ల గ్రాస్ ని కలెక్ట్ చేసింది. థియేట్రికల్ రన్ ని దాదాపు కంప్లీట్ చేసుకున్న వాల్తేరు వీరయ్య సినిమా ఇప్పుడు ఒటీటీలోకి వచ్చేస్తోంది. ఒటీటీ దిగ్గజం నెట్ఫ్లిక్స్ లో ఫెబ్ 27 నుంచి వాల్తేరు వీరయ్య సినిమా స్ట్రీమ్ అవనుంది. ఈ విషయాన్ని అనౌన్స్ చేస్తూ వాల్తేరు వీరయ్య ఒటీటీ ట్రైలర్ ని కూడా రిలీజ్ చేశారు.
Read Also: Pawan Kalyan: మామ అల్లుళ్లు అలా మొదలు పెట్టారో లేదో… ఇలా దొరికేసారు