Chiranjeevi: వైరల్.. సూపర్ స్టార్‌గా మెగాస్టార్..!

మెగాస్టార్ స్టైల్, డాన్స్, మాస్ క్రేజ్ గురించి ప్రత్యేకంగా చెప్పనక్కర్లేదు. ఈ తరం హీరోల్లో చాలామంది ఆయన ఇన్షిపిరేషన్‌తో వచ్చిన వారే ఉన్నారు. ముఖ్యంగా డాన్స్ విషయంలో మెగాస్టార్‌ను ఫాలో అవని హీరోలు లేరనే చెప్పాలి. అయితే ఇప్పటి వరకు మెగాస్టార్‌ను ఇమిటేట్ చేసిన హీరోలు.. అభిమానులు చాలామందే ఉన్నారు. కానీ మరో స్టార్ హీరోని మెగాస్టార్ ఇమిటేట్ చేస్తే ఎలా ఉంటుందో ఊహించుకోండి. ఇప్పుడు అదే చేశారు మెగాస్టార్ చిరంజీవి. అది చూసిన తర్వాత.. మెగాభిమానులే కాదు ప్రతి ఒక్కరు మెగాస్టార్ అదరహో అంటున్నారు. రీసెంట్‌గా ఆహా ఓటిటి సంస్థ నిర్వ‌హించిన ‘ తెలుగుఇండియ‌న్ ఐడ‌ల్’ ఫైన‌ల్ ఎపిసోడ్‌కు ముఖ్య అతిథిగా హాజ‌ర‌య్యారు చిరు.

ఈ ఎపిసోడ్ లో చిరంజీవి తనదైన స్టైల్‌తో అందరిలో జోష్‌ నింపారు. అంతేకాదు ఇదే స్టేజిపై సూప‌ర్ స్టార్ ర‌జినీకాంత్‌ను ఇమిటేట్ చేసి ఔరా అనిపించారు. స్టైజ్ పైకి త‌లైవాలా న‌డుచుకుంటూ వెళ్లి.. అందరినీ ఆశ్చర్యపరిచారు. దాంతో ఈల‌లు, కేరింత‌ల‌తో స్టేజ్ ద‌ద్ద‌రిల్లిపోయింది. ఈ సందర్భంగా.. ఇత‌డు నా అభిమాని కాదు.. రజినీకాంత్‌కు అభిమాని.. అంటూ స్టేజ్ మీదున్న వ్య‌క్తినుద్దేశించి చెప్పుకొచ్చారు చిరు. ఆ తర్వాత కంటెస్టెంట్‌కి ఓ కళ్ళజోడు బహుమతిగా ఇచ్చి.. రజినీ స్టైల్ లో పెట్టుకోమన్నారు. ఇలా సూపర్ స్టార్‌ని మెగాస్టార్ ఇమిటేట్ చేసిన వీడియోని.. ఆహ టీం సోషల్ మీడియాలో షేర్ చేసింది. ర‌జినీకాంత్ బీజీఎంకు చిరు వాకింగ్ చేస్తే ఎట్లుంట‌ది.. ఇట్టా ఉంట‌ది.. అనే క్యాప్ష‌న్‌తో ఆహా ఇన్ స్టాగ్రామ్ ఖాతాలో ఈ వీడియో పోస్ట్ చేశారు. ప్రస్తుతం ఈ వీడియో సోషల్ మీడియాలో వైరల్‌గా మారింది. గతంలో రజనీ, చిరు కలిసి కొన్ని చిత్రాల్లో కూడా నటించారు. కానీ స్టైల్ విషయంలో ఈ ఇద్దరి రూటు చాలా సపరేటు. మెగాస్టార్‌గా.. సూపర్ స్టార్‌గా ఈ ఇద్దరి క్రేజ్ ఏ రేంజ్‌లో ఉందో తెలిసిందే. అలాంటిది.. రజనీ వాకింగ్ స్టైల్‌ను చిరు చేసి చూపించడం.. అదిరిపోయిందని చెప్పొచ్చు. ఏదేమైనా మెగాస్టార్, సూపర్ స్టార్.. ఇద్దరు ఇద్దరే.

Rajini BGM ki Chiru walking chesthe ettauntadi? 🤩 ITTA untadi.. 😎#MegaFinale and all episodes Streaming Now.@KChiruTweets @MusicThaman @MenenNithya @singer_karthik @Sreeram_singer @fremantle_india @ZeptoNow
#ChandanaBrothers @instagram @tnldoublehorse@MobilesHappi pic.twitter.com/nqcRsZD79P

— ahavideoin (@ahavideoIN) June 19, 2022