Chandramukhi 2: బిగ్ బ్రేకింగ్.. చంద్రముఖి 2 వాయిదా..

Chandramukhi 2: రాఘవ లారెన్స్, కంగనా రనౌత్ జంటగా పి. వాసు దర్శకత్వంలో తెరకెక్కిన చిత్రం చంద్రముఖి 2. దాదాపు 13 ఏళ్ళ క్రితం రజనీకాంత్, జ్యోతిక, ప్రభు కీలక పాత్రల్లో నటించిన చంద్రముఖికి ఈ సినిమా సీక్వెల్ గా తెరకెక్కింది. ఇప్పటికే ఈ సినిమా నుంచి రిలీజైన ట్రైలర్, సాంగ్స్ ప్రేక్షకులను విశేషంగా ఆకట్టుకున్నాయి. ఇక ఈ సినిమా వినాయకచవితి సందర్భంగా సెప్టెంబర్ 15 న ప్రేక్షకుల ముందుకు రానుంది. ఈ సినిమా ఎప్పుడైతే అనౌన్స్ చేసారో అప్పటినుంచి మంచి హైప్ తెచ్చుకుంది. బ్లాక్ బస్టర్ మూవీకి సీక్వెల్ కావడం ఒకటి అయితే .. కాంట్రవర్సీ క్వీన్ కంగనా రనౌత్ చంద్రముఖిగా నటించడం మరొక హైలైట్ గా నిలిచింది. ఇప్పటికే.. చంద్రముఖి పాత్రలో కంగనా పోస్టర్స్ ప్రేక్షకులను ఓ రేంజ్ లో మెప్పించాయి. అందులోనూ హర్రర్ సినిమాలకు బ్రాండ్ అంబాసిడర్ రాఘవ లారెన్స్ సినిమా కావడంతో అభిమానులు మరింతగా ఎదురుచూస్తున్నారు.

Bigg Boss Telugu 7: బిగ్ బాస్ హౌస్ లో అర్ధరాత్రి షకీలాకు పానిక్ ఎటాక్..?

ఇక రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్ ప్రీ రిలీజ్ ఈవెంట్ ను కూడా ప్లాన్ చేశారు. అంతా బావుంది అనుకొనేలోపు సడెన్ గా సినిమా వాయిదా పడిందని మేకర్స్ అధికారికంగా తెలిపారు. కొన్ని టెక్నీకల్ కారణాల వలన మరియు సీజీ వర్క్ ఇంకా పూర్తికాకపోవడంతో సెప్టెంబర్ 15 నుంచి సెప్టెంబర్ 28కు ఈ సినిమా వాయిదా పడిందని చెప్పుకొచ్చారు. తమ సినిమాను ప్రేక్షకులకు పర్ఫెక్ట్ గా అందించడానికి కొంత సమయం పట్టినా కూడా మంచిగా ఇవ్వడం తమ బాధ్యత అని, చంద్రముఖి 2 తప్పకుండా ప్రేక్షకులను అలరిస్తుందని చెప్పుకొచ్చారు. మరి ఈ సినిమా ఎలాంటి విజయాన్ని అందుకుంటుందో చూడాలి.