లీవుడ్ ప్రముఖ నిర్మాత అల్లు అరవింద్ నివాసంలో సందడి నెలకొంది. ఇటీవల వివాహ బంధంలోకి అడుగుపెట్టిన అల్లు శిరీష్ – నయనికలను ఆశీర్వదించేందుకు ఆంధ్రప్రదేశ్ గౌరవ ముఖ్యమంత్రి నారా చంద్రబాబు నాయుడు ఆయన నివాసానికి విచ్చేశారు. ముఖ్యమంత్రి రాకతో అల్లు వారి ఇల్లు రాజకీయ, సినీ ప్రముఖుల కలయికకు వేదికైంది. అల్లు అరవింద్ స్వయంగా ముఖ్యమంత్రికి సాదర స్వాగతం పలికారు. ఈ సందర్భంగా చంద్రబాబు నాయుడుని అల్లు అరవింద్ శాలువాతో సత్కరించి, గౌరవపూర్వక జ్ఞాపికను అందజేశారు. నవ దంపతులు అల్లు శిరీష్, నయనికలకు ముఖ్యమంత్రి తన హృదయపూర్వక శుభాకాంక్షలు తెలియజేశారు. వారిద్దరూ నిండు నూరేళ్లూ సుఖసంతోషాలతో వర్ధిల్లాలని ఆయన ఆకాంక్షించారు.
Also Read:గ్లామర్ డోస్ పెంచిన విష్ణుప్రియా… ఫ్యాన్స్ మైండ్ బ్లోన్!
సత్కార కార్యక్రమం అనంతరం, చంద్రబాబు నాయుడు గారు అల్లు కుటుంబ సభ్యులతో కలిసి కాసేపు సరదాగా గడిపారు. చాలా కాలం తర్వాత జరిగిన ఈ భేటీలో కుటుంబ విషయాలతో పాటు పలు ఆసక్తికర అంశాలపై వారు ముచ్చటించారు. ఇరు కుటుంబాల మధ్య ఉన్న పాత అనుబంధాన్ని ఈ సమావేశం మరోసారి గుర్తుచేసింది. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. ముఖ్యమంత్రి స్థాయి వ్యక్తి స్వయంగా ఇంటికి వచ్చి నూతన వధూవరులను ఆశీర్వదించడం పట్ల మెగా మరియు అల్లు అభిమానులు ఆనందం వ్యక్తం చేస్తున్నారు.