Chandini Chowdary Crucial Comments on Social Media Trolling: ఈ మధ్య సోషల్ మీడియాలో నెగెటివిటీ గురించి ట్రోల్స్ గురించి హీరోయిన్లు పెద్ద ఎత్తున స్పందిస్తున్నారు. ఏమాత్రం వెనకాడకుండా తమ ఉద్దేశం ఏంటో కుండ బద్దలు కొట్టేలా చెప్పేస్తున్నారు. అందులో భాగంగా తెలుగు అమ్మాయి, హీరోయిన్ చాందిని చౌదరి కూడా ఈ సోషల్ మీడియా ట్రోలింగ్ గురించి తాజాగా సోషల్ మీడియాలో స్పందించింది. తనకి ఇప్పటికీ ఆశ్చర్యంగానే ఉంటుందని ఆమె ఈ మేరకు పోస్ట్ చేసింది. అమ్మాయిల నుంచి తాము వినకూడని విషయాలు వింటున్న వెంటనే మగవాళ్ళందరూ వాళ్ళని లం* లేదా అలాంటి అర్థం వచ్చే పదాలతో అసభ్యంగా మాట్లాడుతున్నారు.
Siren Director: పంతం పట్టి డైరెక్టర్ అయ్యాకే పెళ్లి చేసుకున్నాడు!
2024 లో కూడా ఇలాంటి మాటలతో ఆడవాళ్ళని హింసిస్తున్నారంటే చాలా బాధ కలుగుతుంది, అలాగే భయం వేస్తోంది. ఈ సోషల్ మీడియా వచ్చిన తర్వాత ఎంతో మంది మొహం లేని, పేరు లేని వ్యక్తులు వాళ్లకు నచ్చని వాళ్ళ మీద రకరకాల వ్యాఖ్యలు చేసే అవకాశం కల్పించింది. మన అమ్మల్ని తిడుతూ, చంపుతామని బెదిరిస్తూ అసలు ఏం చెబుదామనుకుంటున్నారు? తమ చుట్టూ ఇలాంటి వాళ్ళతో బతుకుతున్న ఆడవాళ్ళ గురించి తలుచుకుంటేనే బాధ వేస్తోంది. సోషల్ మీడియాలోనే ఇంత దారుణంగా ప్రవర్తించే వాళ్ళు ఇళ్లల్లో ఎలా బిహేవ్ చేస్తున్నారో తెలియడం లేదు. ఈ పరిస్థితి తలుచుకుంటేనే చాలా బాధ కలుగుతుంది అంటూ ఆమె రాసుకొచ్చింది.
Social media has made faceless nameless people extremely comfortable with sick mouths and even sicker minds. Abusing our mothers? Death threats? Really?
I feel for the women who have to live with or around such people. God knows how they behave behind closed doors. Sickening!— Chandini Chowdary (@iChandiniC) May 21, 2024
అయితే నిజానికి చాందిని చౌదరి కొన్నాళ్ళ క్రితం ఐపిఎల్ టీమ్స్ గురించి చేసిన వ్యాఖ్యలు కలకలం రేపాయి. తాను ఆంధ్రాకి చెందిన అమ్మాయిని కాబట్టి తమ ఆంధ్ర కి ఎలాంటి టీం లేదు కాబట్టి ప్రస్తుతం ఎవరిని సపోర్ట్ చేయడం లేదని చెప్పుకొచ్చింది. హైదరాబాదులో ఉంటున్నా సరే ఎస్ఆర్హెచ్ కి సపోర్ట్ చేసే విషయం మీద ఆమె వెనక్కి తగ్గడంతో ఎస్ఆర్హెచ్ అభిమానులు కొంతమంది ఆమెను సోషల్ మీడియా వేదిక టార్గెట్ చేసినట్లు ప్రచారం జరుగుతోంది. అయితే తన వ్యాఖ్యలను తప్పుగా అర్థం చేసుకున్నారని తన ఉద్దేశం అది కాదని తర్వాత ఆమె క్లారిటీ ఇచ్చే ప్రయత్నం చేసింది.
