సినిమాల్లో స్టార్టింగ్ హీరో-హీరోయిన్ కలవడం, ఈ తర్వాత ఇద్దరూ ప్రేమలో పడడం, హ్యాపీగా ఉండడం, పెళ్లి చేసుకోవడంతో ప్రేమకథలు ఎండ్ అవుతూ ఉంటాయి. ఇప్పటివరకూ రిలీజ్ అయిన ప్రేమకథా సినిమాల్లో ఉండే సింగల్ లైన్ కథ ఇదే. అచ్చం ఇలాంటి కథనే నిజ జీవితంలో ఫేస్ చేశారు అక్కినేని నాగ చైతన్య, సమంతా. ఏం మాయ చేసావే సినిమాలో కలిసి నటించిన ఈ ఇద్దరూ రియల్ లైఫ్ లో కూడా ప్రేమలో పడ్డారు. కొంతకాలం ప్రేమించుకున్న తర్వాత గ్రాండ్ గా సమంతా-నాగ చైతన్య పెళ్లి కూడా చేసుకున్నారు. ఈ మోస్ట్ బ్యూటిఫుల్ కపుల్ లవ్ స్టొరీకి పెళ్లి అనేది హ్యాపీ ఎండింగ్ అని అంతా అనుకున్నారు కానీ ఇక్కడే అసలు ట్విస్ట్ ఓపెన్ అయ్యి సినిమా మొత్తం మారిపోయింది. ప్రేమించి పెళ్లి చేసుకున్న సామ్-చైతన్యలు మ్యూచువల్ అండర్ స్టాండింగ్ తో విడిపోయారు. ఎవరూ ఊహించని ఈ విషయం సినిమాని మించిన ట్విస్ట్ అనే చెప్పాలి.
ఈ ఇద్దరి కథతో ఒక సినిమా చేస్తే అది లవ్ స్టొరీజానర్ లో వచ్చిన బెస్ట్ సినిమా అవుతుంది. అయితే పెళ్లి చేసుకున్న తర్వాత సమంతా, నాగ చైతన్య కలిసి చేసిన ఒకేఒక్క సినిమా ‘మజిలి’. శివ నిర్వాణ డైరెక్ట్ చేసిన ఈ మూవీ సెకండ్ హాఫ్ లో సమంతా కనిపిస్తుంది. చై-సామ్ ఆన్ స్క్రీన్ కలిసి కనిపిస్తే థియేటర్స్ లో ఫాన్స్ రచ్చ చేశారు. బ్లాక్ బస్టర్ హిట్ అయిన ఈ మూవీ రిలీజ్ అయ్యి నాలుగేళ్ళు అయ్యింది. మజిలి సినిమాలో ఎన్ని మలుపులు ఉన్నా సినిమా కాబట్టి చివరికి హ్యాపీ ఎండింగ్ వచ్చింది. రియల్ లైఫ్ లో ఆల్టర్నేట్ ఎండింగ్ వచ్చింది. మజిలి లాంటి సినిమా ఇంకొకటి వస్తుందో లేదో తెలియదు కానీ సామ్-చై కలిసి నటిస్తే చూడాలని చాలామంది కోరుకుంటూ ఉంటారు. విడిపోయిన తర్వాత చై-సామ్ ని కలిపి సినిమా చేసే ఆలోచన ఎవరికీ వస్తుందో తెలియదు కానీ ఆ ఆలోచన ఎవరైనా చేస్తే ఇండస్ట్రీ హిట్ కొట్టేసినట్లే అవుతుంది. మరి చై-సామ్ ని కలిపి సినిమా ఎవరు చేస్తారో చూడాలి.