నందమూరి బాలకృష్ణ హోస్టుగా “అన్‌స్టాపబుల్ విత్ ఎన్బీకే” ఫుల్ స్టాప్ లేకుండా దూసుకెళ్తోంది. షోకు వచ్చిన అతిథులు బాలయ్యతో కలిసి చేస్తున్న హడావిడికి ప్రేక్షకులు ఫిదా అవుతున్నారు. నవంబర్ 4న ‘ఆహా’లో ప్రీమియర్ అయినప్పటి నుండి రికార్డు స్థాయిలో ఈ షోకు వ్యూస్ వస్తుండడం విశేషం. మొదటి ఎపిసోడ్ లో మంచు కుటుంబం… మోహన్ బాబు, లక్ష్మి మంచు, విష్ణు మంచు, సెకండ్ ఎపిసోడ్ లో నేచురల్ స్టార్ నాని పాల్గొనగా అదిరిపోయే రెస్పాన్స్ వచ్చింది. తాజాగా ఈ షో 3 మిలియన్ వ్యూస్ సాధించి సరికొత్త రికార్డును క్రియేట్ చేసింది. ఇదిలా ఉండగా బాలయ్య షోలో బ్రహ్మీ సందడి చేయబోతున్నాడు. తాజా ఎపిసోడ్ లో హాస్యబ్రహ్మ “అన్‌స్టాపబుల్” ఫన్ తో తెలుగు ‘ఆహా’ అభిమానులను అలరించనున్నారు. ‘ఫన్’టాస్టిక్ డైరెక్టర్ అనిల్ రావిపూడి సైతం ఈ నెక్స్ట్ ఎపిసోడ్ లో మెరవబోతున్నారన్న విషయాన్ని మేకర్స్ అధికారికంగా ప్రకటించారు.
Read Also : ఓటీటీలో బాలయ్య సరికొత్త రికార్డు
నందమూరి బాలకృష్ణ భుజానికి శస్త్ర చికిత్స జరగడంతో కొన్ని రోజులు ఆగిపోయిన “అన్‌స్టాపబుల్ విత్ ఎన్బీకే” మళ్ళీ మొదలైంది. బాలయ్యతో అనిల్ రావిపూడి, బ్రహ్మానందం చేయబోయే ఫన్ చూడాలంటే రేపటి వరకూ ఆగాల్సిందే. ఈ స్పెషల్ ఎపిసోడ్ డిసెంబర్ 3న ‘ఆహా’లో ప్రసారం అవుతుంది.
మరోవైపు బాలకృష్ణ ప్రస్తుతం బోయపాటి శ్రీను దర్శకత్వం వహించిన ‘అఖండ’ విడుదల కోసం ఎదురు చూస్తున్నారు. ఈ చిత్రం రేపు ప్రపంచవ్యాప్తంగా భారీ సంఖ్యలో గ్రాండ్‌గా థియేటర్లలోకి వస్తుంది. ఈ చిత్రంలో ‘కంచె’ ఫేమ్ ప్రగ్యా జైస్వాల్ కథానాయికగా నటిస్తుండగా, సునీల్ విలన్‌గా నటిస్తున్నారు. ఇదిలా ఉండగా బాలయ్య తన నెక్స్ట్ ప్రాజెక్ట్ ను గోపీచంద్ మలినేనితో కలిసి మొదలు పెట్టేశారు. ‘NBK107’ అనే వర్కింగ్ టైటిల్ తో రూపొందుతున్న ఈ సినిమాకు ‘జై బాలయ్య’ అనే తాత్కాలిక టైటిల్ తో పిలుస్తున్నారు.
