బాలయ్య రంగంలోకి దిగితే వార్ వన్ సైడ్ అవాల్సిందే. వచ్చే దసరాకు కూడా అదే జరగబోతోంది. ఇద్దరు స్టార్ హీరోలు మాత్రం బాలయ్యకు గట్టిపోటీ ఇచ్చేందుకు రెడీ అవుతున్నారు. అఖండ, వీరసింహారెడ్డి సినిమాలతో ఫుల్ జోష్‌లో ఉన్న బాలయ్య… ప్రస్తుతం సక్సెస్ ఫుల్ డైరెక్టర్ అనిల్‌ రావిపూడితో ‘భగవంత్ కేసరి’ అనే సినిమా చేస్తున్నారు. తెలంగాణ బ్యాక్‌ డ్రాప్‌లో వస్తున్న ఈ సినిమా, జెట్ స్పీడ్‌లో షూటింగ్ జరుపుకుంటుంది. ఇప్పటికే గ్లింప్స్‌తో బాలయ్య మార్క్ మాస్ ఎలిమెంట్లు, అనిల్‌ రావిపూడి మార్క్ ఎంటర్టైన్‌మెంట్‌ అదిరిపోతుందని చెప్పేశారు మేకర్స్. ఇక ఈ సినిమాను దసరాకు రిలీజ్ చేస్తున్నట్టు ఎప్పుడో అనౌన్స్ చేశారు కానీ రిలీజ్ డేట్ మాత్రం ఫిక్స్ చేయలేదు. దీంతో తాజాగా భగవంత్ కేసరి రిలీజ్ డేట్ లాక్ చేశారు. అక్టోబర్ 19న ఈ సినిమాను రిలీజ్ చేస్తున్నట్టు సాలిడ్ పోస్టర్‌తో అనౌన్స్ చేశారు. దీంతో దసరాకు బిగ్గెస్ట్ బాక్సాఫీస్ వార్ ఫిక్స్ అయిపోయింది.
అక్టోబర్ 20న మాస్ మహారాజా నటిస్తున్న ఫస్ట్ పాన్ ఇండియా ప్రాజెక్ట్ ‘టైగర్ నాగేశ్వరరావు’ రిలీజ్ కాబోతోంది కానీ ఈ ప్రాజెక్ట్ పోస్ట్‌పోన్ అయ్యే ఛాన్స్ ఉందంటున్నారు. కోలీవుడ్ స్టార్ హీరో విజయ్ నటించిన ‘లియో’ అక్టోబర్ 19న రిలీజ్ కాబోతోంది. విజయ్‌కు తెలుగులో పెద్దగా మార్కెట్ లేకపోయినా.. ఈ సినిమాను లోకేష్ కనగరాజ్ తెరకెక్కిస్తున్నాడు కాబట్టి భారీ అంచనాలున్నాయి. గతంలో లోకేష్ నుంచి వచ్చిన ఖైదీ, విక్రమ్ సినిమాలు ఇక్కడ భారీ విజయాలను అందుకున్నాయి. దీంతో దసరా వార్ విజయ్ వర్సెస్ బాలయ్యగా మారనుంది. అయినా బాలయ్య క్రేజ్ ముందు విజయ్‌కి కాస్త కష్టమేనని చెప్పొచ్చు. కానీ ఒకవేళ రవితేజ కూడా సై అంటే మాత్రం.. ముగ్గురి మధ్య గట్టి పోటీ తప్పదనే చెప్పాలి. మరి ఈ ముగ్గురిలో ఎవరిది పై చేయి అవుతుందో చూడాలి.