Sahil Khan: 21 ఏళ్ల ఫారెన్ యువతితో 47 ఏళ్ల నటుడి రెండో పెళ్లి
Bollywood Actor Sahil Khan Wedding Announcement Video with 21 year old Girl: బాలీవుడ్ నటుడు సాహిల్ ఖాన్ చాలా కాలంగా సినిమా ప్రపంచానికి దూరంగా ఉంటున్నారు. అయితే, సాహిల్ సోషల్ మీడియాలో చాలా యాక్టివ్గా ఉంటున్నాడు. ఇక తాజాగా సాహిల్ ఇన్స్టాగ్రామ్లో ఒక వీడియోను పంచుకున్నాడు, అందులో అతను అభిమానులకు తన రెండవ భార్యను పరిచయం చేశాడు. ఒక వీడియో షేర్ చేసిన ఆయన ఆ క్లిప్లో, సముద్రపు అలల మధ్య తన రెండవ భార్యతో కలిసి తన సెలవులను ఆనందిస్తున్నట్లు కనిపించాడు. ఈ పోస్ట్తో పాటు, “నేను మరియు నా బేబీ” అని క్యాప్షన్లో రాశాడు. ఇక ఇది సాహిల్కి రెండవ వివాహం. ఈ 47 ఏళ్ళ వయస్సులో, అతను 21 ఏళ్ల అమ్మాయితో తన పెళ్లిని ప్రకటించి అందరినీ ఆశ్చర్యపరిచాడు. ఈ నటుడి వీడియో సోషల్ మీడియాలో మరింత వైరల్ అవుతోంది. ఈ క్లిప్పై అభిమానులు కామెంట్స్ ద్వారా అభినందిస్తున్నారు. దీంతో పాటు పలువురు ఆశ్చర్యం కూడా వ్యక్తం చేస్తున్నారు.
Nainisha Rai: కమిట్మెంట్ అడగడంతో సూసైడ్ చేసుకోవాలనుకున్నా.. తినడానికి లేక రక్తం అమ్ముకున్నా!
ఇంతకుముందు, నటుడు సాహిల్ ఖాన్ ఇస్తాంబుల్లో విహారయాత్ర చేస్తున్నప్పుడు అనేక ఫొటోలను కూడా షేర్ చేశాడు. తన వాలెంటైన్స్ డే పోస్ట్ క్యాప్షన్లో, “ఐ లవ్ యు బేబీ… హ్యాపీ వాలెంటైన్స్ డే…” అని రాశాడు. సాహిల్ మొదటి వివాహం 2003లో జరిగింది. సాహిల్ మొదటి వివాహం ఇరాన్ మూలానికి చెందిన నార్వేజియన్ నటి నిగర్ ఖాన్తో జరిగింది. వారు 21 సెప్టెంబర్ 2003న ఒకరినొకరు వివాహం చేసుకున్నారు, కానీ వారు జూలై 2005లో విడాకులు తీసుకున్నారు. సినిమాల గురించి చెప్పాలంటే సాహిల్ మరోసారి శర్మన్తో కలిసి ఒక చిత్రంలో పని చేయబోతున్నాడు. దీనికి సామ్ ఖాన్ దర్శకత్వం వహించనున్నారు. సాహిల్ ఖాన్ 2001లో స్టైల్ సినిమాతో బాలీవుడ్లోకి అడుగుపెట్టాడు. ఆ తర్వాత ‘ఎక్స్క్యూస్మీ’, ‘డబుల్ క్రాస్’, ‘అల్లాదీన్’ వంటి చిత్రాల్లో కనిపించాడు. అయితే ఆ తర్వాత బాలీవుడ్కి దూరమయ్యాడు. ప్రస్తుతం ఫిట్నెస్ ట్రైనర్గా పనిచేస్తున్నాడు. ఆయన త్వరలో సినిమాల్లోకి రీఎంట్రీ ఇవ్వనున్నట్టు ఇటీవల వార్తలు వస్తున్నాయి.