Badmash gallaki Bumper Offer: బిగ్ బాస్ నుంచి వచ్చాక బద్మాష్ గాళ్ళకి బంపర్ ఆఫర్ అంటున్న భోలే షావలి
Badmash gallaki Bumper Offer Movie to Release on December 29th: నంది అవార్డు గ్రహీత రవి చావలి దర్శకత్వంలో, N. రమేష్ కుమార్ నిర్మాతగా రూపొందిన బద్మాష్ గాళ్ళకు బంపర్ ఆఫర్ రిలీజ్ కి రెడీ అయింది. ఈ సినిమాలో ఈ మధ్యనే శాసనసభ సినిమాతో హీరో గా గుర్తింపు పొందిన ఇంద్రసేన, మ్యాడ్ సినిమాలో నటించిన సంతోష్ హీరోలుగా ప్రజ్ఞ నయన్, నవీన రెడ్డి హీరోయిన్లుగా నటించారు. డబ్బు కోసం రియల్ ఎస్టేట్ దందా చేసే ఒక వ్యక్తి దగ్గర పని చేసే ఇద్దరు కుర్రోళ్ళు అతన్నే కిడ్నాప్ చేస్తారు.
ఇక అలా కిడ్నాప్ చేయడం వలన తెలిసిన రహస్యాలు ఏమిటి? చివరకు వాళ్ళు అనుకున్న డబ్బు సంపాదించారా లేదా అనే పాయింట్ తో ఫుల్ కమర్షియల్ ఎలిమెంట్స్ తో ఈ సినిమా కథ రాసుకున్నారు మేకర్స్. మలయాళీ నటి మెర్లిన్ ఫిలిప్, తమిళ నటుడు తారక్, శుభలేఖ సుధాకర్ ప్రత్యేక పాత్రలో నటించగా ఈ సినిమా రెండు తెలుగు రాష్ట్రాలతో పాటు , బెంగళూర్ , టెక్సాస్ సహా అండమాన్ లో ఈ నెల 29 వ తేదీ న రిలీజ్ అవుతుంది. సత్య ప్రకాష్, దుర్వాసి మోహన్, ఘర్షణ శ్రీనివాస్, ఉష కీలక పాత్రల్లో నటించిన ఈ సినిమాను కషూ క్రియేషన్స్ నిర్మించగా బిగ్ బాస్ ఫేం భోలే షావలి సంగీతం అందించారు. విజయ్ సి కుమార్ కెమెరా మ్యాన్గా, మార్తాండ్ కె వెంకటేష్ ఎడిటర్ గా వ్యవహరించిన ఈ సినిమాకి ఘటికాచలం మాటలు అందించారు.