లంచం లేనిదే కంచం కూడా దొరకట్లేదు… ‘భళా తందనాన’ టీజర్
యంగ్ అండ్ ట్యాలెంటెడ్ యాక్టర్, శ్రీవిష్ణు నటించిన ‘భళా తందనాన’ టీజర్ను నేచురల్ స్టార్ నాని ఈరోజు లాంచ్ చేశారు. చైతన్య దంతులూరి దర్శకత్వం వహించిన ఈ సినిమా టీజర్ ఆకట్టుకునేలా ఉంది. మణిశర్మ అందించిన బ్యాక్ గ్రౌండ్ స్కోర్ మరింత ఆసక్తిని రేకెత్తిస్తోంది. టీజర్లో శ్రీవిష్ణును మునుపెన్నడూ చూడని అవతార్ని చూపించారు. ఇందులో శ్రీవిష్ణు క్రైమ్ రిపోర్టర్గా నటించాడు. అమాయకమైన, భిన్నమైన కోణంలో ఆలోచించే వ్యక్తిగా కనిపించనున్నాడు. క్యాథరిన్ ట్రెస్సా కూడా రిపోర్టర్గా కనిపిస్తుంది.
Read Also : ‘వై ఐ కిల్డ్ గాంధీ’ రిలీజ్ కు ఓటిటిలోనూ అడ్డంకులు!
శ్రీవిష్ణును అవినీతిపరుడైన రాజకీయ నాయకుడికి వ్యతిరేకంగా ఉండే సాధారణ వ్యక్తిగా కూడా టీజర్ చూపిస్తుంది. హవాలా మోసాల చుట్టూ కథ తిరుగుతుందని తెలుస్తోంది. టీజర్ను బట్టి చూస్తే ‘భళా తందనాన’ డిఫరెంట్ కాన్సెప్ట్తో కూడిన యాక్షన్ థ్రిల్లర్. ‘కేజీఎఫ్’ ఫేమ్ రామచంద్రరాజు ఈ సినిమాలో విలన్గా నటించారు. వారాహి చలనచిత్రం పతాకంపై రజనీ కొర్రపాటి నిర్మించిన ఈ చిత్రంలో శ్రీనివాస్ రెడ్డి, ఆదర్శ్ బాలకృష్ణ, సత్య, పోసాని కృష్ణమురళి తదితరులు కీలక పాత్రలు పోషించారు. ఈ చిత్రం ఫిబ్రవరి 2022లో విడుదల కానుంది.