దుర్గమ్మ సేవలో బాలయ్య… ఇంద్రకీలాద్రిపై ప్రత్యేక పూజలు

నందమూరి బాలకృష్ణ ఇంద్రకీలాద్రిపై దుర్గమ్మను దర్శించుకున్నారు. బాలకృష్ణతో పాటు దర్శకుడు బోయపాటి శ్రీను కూడా అమ్మవారి ప్రత్యేక పూజలలో పాల్గొన్నారు. బాలయ్యకు ఆలయ మర్యాదలతో దుర్గగుడి అధికారులు స్వాగతం పలికారు. అనంతరం అమ్మవారిని దర్శించుకొని ప్రత్యేక పూజలు నిర్వహించారు బాలయ్య. ఈ సందర్భంగా అర్చకులు అమ్మవారి చిత్రపటంతో పాటు వేద ఆశీర్వచనం అందించారు. బాలకృష్ణ నటించిన “అఖండ” చిత్రం బ్లాక్ బస్టర్ హిట్ కావడంతో బాలయ్య అమ్మవారిని దర్శించుకున్నారు. “అఖండ” చిత్రానికి బోయపాటి శ్రీను దర్శకత్వం వహించగా, థమన్ సంగీతం అందించారు. ఈ సినిమా డిసెంబర్ 2న విడుదలై బ్లాక్ బస్టర్ హిట్ టాక్ తో ఇంకా కొనసాగుతోంది. ఈ సందర్భంగా బాలయ్య మాట్లాడుతూ “మంచి సినిమాలను ప్రేక్షకులు ఎప్పుడూ ఆదరిస్తారు. ఈ చిత్రాన్ని ఇంత విజయవంతం చేసి దాన్ని నిరూపించిన ప్రేక్షకులకు ధన్యవాదాలు” అని అన్నారు.

Read Also : ముందు ‘పుష్ప’, వెనక ‘ఆర్ఆర్ఆర్’… అయినా తగ్గేదే లే !