ఆనంద్ దేవరకొండ హీరోగా న్యూ ఏజ్ లవ్ స్టోరీ ‘బేబి’ ప్రారంభం!

‘దొరసాని’తో తెలుగు తెరకు హీరోగా పరిచయమైన ఆనంద్ దేవరకొండ ఆ తర్వాత ‘మిడిల్ క్లాస్ మెలోడీస్’తో ఫ్యామిలీ ఆడియెన్స్ కు చేరువయ్యారు. ఆయన నటించిన మూడో చిత్రం ‘పుష్పక విమానం’ విడుదలకు సిద్ధంగా ఉంది. ఈ నేపథ్యంలో ఆనంద్ దేవరకొండ హీరోగా మరో సినిమా మొదలైంది. న్యూ ఏజ్ లవ్ స్టోరీ తో తెరకెక్కనున్న ‘బేబి’ చిత్రాన్ని గురువారం లాంఛనంగా ప్రారంభించారు. ఈ చిత్రంలో ఆనంద్ దేవరకొండతో పాటు వైష్ణవి చైతన్య, విరాజ్ అశ్విన్ ప్రధాన పాత్రలు పోషించునున్నారు. ఈ సందర్బంగా చిత్రం బృందాన్ని ఆశీర్వదిస్తూ నిర్మాత అల్లు అరవింద్ ముహూర్తపు సన్నివేశానికి క్లాప్ ఇచ్చారు. సుకుమార్ కెమెరా ఆన్ చేయగా, డైరెక్టర్ మారుతి ఫస్ట్ షాట్ ను డైరెక్ట్ చేశారు.

Read Also : హిందీ పరిశ్రమ గొప్ప అనుకునే వాళ్లకు… అల్లు అరవింద్ కామెంట్స్

‘ఈ రోజుల్లో, భలే భలే మగాడివోయ్, మహానుభావుడు, ప్రతి రోజు పండగే’ లాంటి సక్సెస్ ఫుల్ చిత్రాలలో నిర్మాణ భాగస్వామిగా ఉండి, విజయ్ దేవరకొండ హీరోగా ‘టాక్సీవాలా’ చిత్రాన్ని సొంతంగా నిర్మించి విజయాన్ని అందుకున్న ఎస్. కె. ఎన్. ఈ మూవీ ని నిర్మిస్తున్నారు. టాలెంటెడ్ డైరెక్టర్ సాయి రాజేష్ దీనికి దర్శకత్వం వహించనున్నారు. చిత్ర నిర్మాణ సంస్థ మాస్ మూవీ మేకర్స్ అధినేతలు ఎస్. కె. ఎన్; మారుతి ఈ సందర్భంగా సంతోషాన్ని వ్యక్తం చేస్తూ రెగ్యులర్ షూటింగ్ ఈ నెల 20 నుండి ప్రారంభం కానున్నదని చెప్పారు. విజయ్ బుల్గానిన్ ఈ చిత్రానికి స్వరాలు సమకూర్చుతుండగా, రామ్ రెడ్డి ఛాయాగ్రహణం అందిస్తున్నారు. ‘100 పర్సెంట్ లవ్, వన్ నేనొక్కడినే, పుష్ప’ వంటి భారీ చిత్రాలకు ఎడిటర్ గా పని చేసిన కార్తిక్ శ్రీనివాస్ ‘బేబి’ మూవీకి కూర్పరిగా వ్యవహరిస్తున్నారు.