Avatar-2: అదరగొడుతున్న టీజర్ ట్రైలర్.. మరో ఊహాలోకంలోకి..!!

ప్రపంచ వ్యాప్తంగా సినీ ప్రియులు కొన్నేళ్లుగా ‘అవతార్-2’ చిత్రం కోసం ఆత్రుతగా ఎదురుచూస్తున్నారు. 2009లో హాలీవుడ్​లెజండరీ డైరెక్టర్​ జేమ్స్​ కామెరాన్​సృష్టించిన గొప్ప విజువల్​ వండర్​ ‘అవతార్’. ఈ మూవీకి పలు ఆస్కార్ అవార్డులు కూడా వచ్చాయి. దీనికి సీక్వెల్‌గా వస్తున్న మూవీ ‘అవతార్: ది వే ఆఫ్​ వాటర్’. ఏకంగా 160 భాషల్లో ఈ ఏడాది డిసెంబర్ 16న ఈ సినిమా విడుదల కానుంది.

తాజాగా ఈ సినిమా టీజర్ ట్రైలర్‌ను దర్శకుడు జేమ్స్ కామెరాన్ విడుదల చేశారు. ఈ ట్రైలర్‌ పండోరా గ్రహానికి సంబంధించిన విజువల్స్‌తో ప్రారంభం కాగా అందులోని అద్భుతమైన లొకేషన్లు, మైమరిపించే నీలి సముద్రం అబ్బురపరిచేలా ఉన్నాయి. ఈసారి అవతార్-2లో దర్శకుడు జేమ్స్ కామెరాన్ సముద్ర లోకాన్ని ఆవిష్కరించినట్టు టీజర్ ట్రైలర్ చెబుతోంది. అద్భుతమైన గ్రాఫిక్స్ మాయాజాలం అడుగడుగునా దర్శనమిస్తోంది. టీజర్‌ ఆసక్తిగా ఉన్నా సినిమా కథేంటి అన్న విషయం సస్పెన్స్‌గానే ఉంది.