Aparna Balamurali: ఇంత నీచంగా ప్రవర్తిస్తారా.. ఆ ఘటనపై అపర్ణ ఫైర్

Aparna Balamurali Reacts On Student Misbehaviour: ఇటీవల తమిళ నటి అపర్ణ బాలమురళి పట్ల ఓ విద్యార్థి అసభ్యకరంగా ప్రవర్తించిన విషయం తెలిసిందే! తన సినిమా ప్రమోషన్‌లో భాగంగా ఎర్నాకులంలోని ఓ ప్రభుత్వ న్యాయ కళావాలకు అపర్ణ వెళ్లగా.. ఒక విద్యార్థి దూసుకుంటూ ఆమె వద్దకు వచ్చాడు. ఆమెకు పువ్వు ఇచ్చి, తనతో ఫోటో దిగాల్సిందిగా బలవంతంగా చేయి పట్టుకొని లాగాడు. అనంతరం ఆమెపై చెయ్యి వేయబోయాడు. అప్పుడు అపర్ణ చాలా ఇబ్బందిగా ఫీల్ అయ్యింది. తన భుజంపై ఆ విద్యార్థి చెయ్యి వేయకుండా తప్పించుకొని, తన సీట్లో వెళ్లి కూర్చుకుంది. ఈ సంఘటనకు సంబంధించిన వీడియో సోషల్ మీడియాలో పోస్ట్ చేయగా.. అది ఎంత వైరల్ అయ్యిందో అందరికీ తెలిసింది.

Ponguleti Srinivas Reddy: పార్టీ మారడం ఖాయం.. రహస్య సమావేశంలో పొంగులేటి

ఇప్పుడు తాజాగా అపర్ణ ఆ ఘటనపై స్పందించింది. అది తనను ఎంతగానో బాధించిందని, మహిళల పట్ల మరీ ఇంత నీచంగా వ్యవహరిస్తారా? అంటూ తీవ్ర అసహనం వ్యక్తం చేసింది. అపర్ణ మాట్లాడుతూ.. ‘‘నన్ను బలవంతంగా చేయి పట్టుకొని, కుర్చీలో నుంచి పైకి లేపడం ఏమాత్రం సరైనది కాదు. అతడు తన చేతుల్ని నా భుజాలపై వేసేందుకు ప్రయత్నించాడు. ఒక మహిళ పట్ల ఇంత నీచంగా ప్రవర్తిస్తారా?’’ అని మండిపడింది. అయితే.. ఈ సంఘటనపై తాను ఫిర్యాదు చేయదలచుకోలేదని, అసలు ఆ ఉద్దేశమే లేదని స్పష్టం చేసింది. తనకు అంత సమయం కూడా లేదని తెలిపింది. ఈ ఘటన జరిగిన వెంటనే నిర్వాహకులు తనకు క్షమాపణలు చెప్పారని ఆమె వివరించింది. అటు, నెటిజన్లు సైతం ఆ విద్యార్థిపై దుమ్మెత్తిపోశారు. ఓ సెలెబ్రిటీ పట్ల పబ్లిక్‌లో ఎలా వ్యవహరించాలో కూడా తెలీదా? అంటూ విమర్శనాస్త్రాలు సంధించారు.

Diet Myths and Facts: ఆహారం, ఫిట్ నెస్ విషయంలో అపోహలు- వాస్తవాలు

మరోవైపు.. ఈ సంఘటనపై ఎర్నాకులం ప్రభుత్వ న్యాయ కళాశాల విద్యార్థి సంఘం విచారం వ్యక్తం చేయడంతో పాటు అపర్ణకు క్షమాపణలు చెప్పింది. ఈ మేరకు సోషల్ మీడియాలో విద్యార్థి సంఘం ఒక నోట్ విడుదల చేసింది. లా కాలేజీలో నటిపై ఇలాంటి సంఘటన జరగడం చాలా విచారకరమని, ఈ సమస్యను యూనియన్ చాలా సీరియస్‌గా తీసుకుందని.. సదరు విద్యార్థిపై కఠిన చర్యలు తీసుకుంటామని ఆ ప్రెస్‌నోట్‌లో పేర్కొంది.