Anirudh Net Worth: ప్రముఖ మ్యూజిక్ డైరెక్టర్ అనిరుధ్ రవిచంద్రన్, సన్‌రైజర్ సీఈఓ, సన్ టీవీ ఎగ్జిక్యూటివ్ డైరెక్టర్ కావ్య మారన్ వివాహం ఇప్పుడు దేశవ్యాప్తంగా చర్చనీయాంశమైంది. వీరిద్దరి పెళ్లి గ్రీస్‌లో నవంబర్ 11న జరుగుతోంది. ఈ గ్రాండ్ వెడ్డింగ్ వేళ అనిరుధ్ ఆస్తుల విలువ, ఆయన సంపాదనపై చర్చ జరుగుతోంది. ‘‘వై దిస్ కొలవెరి డి’’ సాంగ్‌తో ఒక్కసారిగా అనిరుధ్ దేశవ్యాప్తంగా గుర్తింపు తెచ్చుకున్నారు. తమిళ్, తెలుగు, హిందీ సినిమా ఇండస్ట్రీల్లో ఇప్పుడు అనిరుధ్‌కు ఫుల్ క్రేజ్ ఉంది.
అనిరుధ్ నికర ఆస్తుల విలువ సుమారు రూ. 50 కోట్లుగా ఉంటుందని అంచనా వేస్తున్నారు. ఇండియన్ ఫిలిం ఇండస్ట్రీల్లో అత్యధిక పారితోషకం తీసుకుంటున్న మ్యూజిక్ డైరెక్టర్లలో అనిరుధ్ ఒకరు. ఆయన ఒక్కో సినిమాకు సుమారు రూ. 8 కోట్ల నుంచి రూ. 10 కోట్ల వరకు రెమ్యూనరేషన్ తీసుకుంటున్నట్లు తెలుస్తోంది. కొన్ని ప్రాజెక్టుల విషయంలో ఈ మొత్తం రూ. 10 కోట్ల నుంచి రూ. 12 కోట్ల వరకు ఉంటుందని కొన్ని నివేదికలు చెబుతున్నారు. అల్లు అర్జున్, దర్శకుడు లోకేష్ కనగరాజ్ కాంబినేషన్‌లో రానున్న సినిమాకు ఏకంగా రూ. 25 కోట్ల ఆఫర్ అందుకున్నట్లు తెలుస్తోంది.
అనిరుధ్ వద్ద లగ్జరీ కార్ల కలెక్షన్ కనిపిస్తుంది. 2023లో ‘జైలర్’ సినిమా విజయవంతమైన సందర్భంగా కావ్య మారన్ తండ్రి, సన్ గ్రూప్ అధినేత కళానిధి మారన్ అనిరుధ్‌కు సుమారు రూ.1.1 కోట్ల విలువైన పోర్షే మకాన్ కారును బహుమతిగా అందించారు. ఇదే కాకండా అనిరుధ్ వద్ద బీఎండబ్ల్యూ iX1 LWB, మహీంద్రా BE 6, ఫోర్డ్ మస్టాంగ్ GT వంటి కార్లు ఉన్నాయి.
ఇక మ్యూజిక్‌కు మాత్రమే అనిరుధ్ పరిమితం కాకుండా వ్యాపారరంగంలోకి కూడా ఎంట్రీ ఇచ్చారు. 024లో దక్షిణ భారత ఫిల్టర్ కాఫీ, స్నాక్స్ బ్రాండ్ ‘VS Mani & Co’లో సహ వ్యవస్థాపకుడిగా, బ్రాండ్ అంబాసిడర్‌గా చేరారు. తమిళనాడు, కర్ణాటక రాష్ట్రాల్లో బ్రాండ్ విస్తరణ, మార్కెట్ వాటా పెంపు లక్ష్యంగా ఈ భాగస్వామ్యం ఏర్పడింది.ఈ ఒప్పందంలో భాగంగా అనిరుధ్‌కు కంపెనీలో ఈక్విటీ వాటా కూడా లభించినట్లు తెలుస్తోంది.