డైరెక్టర్ సందీప్ రెడ్డి తెరకెక్కించిన యానిమల్ సినిమా ఇండియన్ ఫిల్మ్ ఇండస్ట్రీ రికార్డులని చెల్లా చెదురు చేసింది. ఒక A రేటెడ్ సినిమా, మూడున్నర గంటల నిడివి ఉన్న సినిమా ఈ రేంజ్ ర్యాంపేజ్ ని క్రియేట్ చేస్తుందని ట్రేడ్ వర్గాలు కూడా ఊహించి ఉండవు. వరల్డ్ వైడ్ 900 కోట్లు రాబట్టిన అనిమల్ సినిమా… రణ్బీర్ కపూర్ లోని పర్ఫెక్ట్ యాక్టర్ ని మరోసారి పరిచయం చేసింది. రణబీర్ యాక్టింగ్ పొటెన్షియల్ ని వాడుకుంటూ సందీప్ సెన్సేషన్ క్రియేట్ చేసాడు. రష్మిక, రణబీర్ కెమిస్ట్రీ… రన్ విజయ్ గా రణబీర్ చేసిన ఫైట్స్… సాలిడ్ ఇంటర్వెల్… ఎమోషనల్ క్లైమాక్స్… బ్రదర్స్ రీ యునైటింగ్ సీన్… చార్ట్ బస్టర్ సాంగ్స్… ఇవన్నీ కలిసి అనిమల్ సినిమాని బెస్ట్ థియేటర్ ఎక్స్పీరియన్స్ ఇచ్చిన సినిమాగా నిలబెట్టాయి.
డిసెంబర్ 1న థియేటర్స్ లోకి వచ్చిన అనిమల్ సినిమా… ఎనిమిది వారాల గ్యాప్ తర్వాత ఓటీటీలోకి వచ్చేసింది. నెట్ఫ్లిక్స్ లో అనిమల్ సినిమా ఈరోజు నుంచి స్ట్రీమ్ అవుతోంది. ఓటీటీలో అనిమల్ సినిమాని చుసిన మూవీ లవర్స్ సోషల్ మీడియాలో హల్చల్ చేస్తున్నారు. అనిమల్, అనిమల్ పార్క్, రణబీర్, త్రిప్తి ట్యాగ్స్ సోషల్ మీడియాలో ట్రెండ్ అవుతున్నాయి. ముఖ్యంగా సినిమా చూసిన ప్రతి ఒక్కరు త్రిప్తి సీన్స్ గురించి… రణబీర్-త్రిప్తి ట్రాక్ గురించే ఎక్కువగా మాట్లాడుకుంటున్నారు. అనిమల్ సినిమా థియేటర్స్ లో వచ్చినప్పుడు త్రిప్తి ఎంత హాట్ టాపిక్ అయ్యిందో ఇప్పుడు కూడా అదే రిపీట్ అవుతోంది. మరి అనిమల్ 2… అనిమల్ పార్క్ సినిమాలో రణబీర్, త్రిప్తి కలిసి ఎలాంటి సెన్సేషన్ క్రియేట్ చేస్తారు అనేది చూడాలి.
