సూపర్ స్టార్ మహేష్ బాబు, మాటల మాంత్రికుడు త్రివిక్రమ్ తో కలిసి చేస్తున్న మూడో సినిమా గుంటూరు కారం. అతడు, ఖలేజా సినిమాలు వచ్చిన పన్నెండేళ్ల తర్వాత రిపీట్ అవుతున్న ఈ కాంబినేషన్ పై భారీ అంచనాలు ఉన్నాయి. ఎన్ని రూమర్స్ బయటకి వచ్చినా, ఎంత డిలే అవుతున్నా గుంటూరు కారం సినిమా గురించి అభిమానులతో పాటు ఇండస్ట్రీ వర్గాల్లో కూడా అంచనాలు మాత్రం తగ్గట్లేదు. 2024 సంక్రాంతికి గుంటూరు కారం సినిమాతో సాలిడ్ రీజనల్ హిట్ కొట్టి తర్వాత రాజమౌళి సినిమాతో పాన్ వరల్డ్ ని టార్గెట్ చేసే పనిలో ఉన్నాడు మహేష్ బాబు. SSMB 29 అనే వర్కింగ్ టైటిల్ తో బయటకి వచ్చిన రాజమౌళ-మహేష్ బాబు కాంబినేషన్ ప్రాజెక్ట్ ఎప్పుడు అఫీషియల్ గా అనౌన్స్ అవుతుంది అనే విషయంలో ఇంకా క్లారిటీ రాలేదు. అన్నీ అనుకున్నట్లు జరిగితే మహేష్-రాజమౌళి డిసెంబర్ నుంచి SSMB 29 వర్క్స్ ని స్టార్ట్ చేయనున్నారనే వార్తలు వినిపిస్తున్నాయి.
ఈ ప్రాజెక్ట్ కోసం ఘట్టమనేని అభిమానులు మాత్రమే కాదు మొత్తం ఇండియా ఎదురు చూస్తుంది. అంతటి ప్రెస్టీజియస్ ప్రాజెక్ట్ గురించి సోషల్ మీడియాలో ఒక రూమర్ వైరల్ అవుతోంది.#SSMB29 ప్రాజెక్ట్ రాజమౌళి నుంచి అనీల్ రావిపూడి చేతికి వెళ్ళింది. రాజమౌళి SSMB 30 సినిమాని డైరెక్ట్ చేయనున్నాడు. రాజమౌళితో సినిమా స్టార్ట్ అవ్వడం కన్నా ముందు ఏకే ఎంటర్టైన్మెంట్స్ బ్యానర్ లో అనిల్ రావిపూడి డైరెక్షన్ లో మహేష్ సినిమా చేస్తున్నాడు అంటూ వార్తలు వినిపిస్తున్నాయి. వీటిలో నిజమెంత ఉందనే విషయంలో ఎలాంటి క్లారిటీ రాలేదు కానీ సోషల్ మీడియాలో మాత్రం SSMB 29 ప్రాజెక్ట్ విషయంలో రచ్చ జరుగుతోంది. రాజమౌళి ప్రాజెక్ట్ స్టార్ట్ అవ్వడానికి టైం పడితే అనీల్ రావిపూడి ఫాస్ట్ గా సినిమాని కంప్లీట్ చేస్తాడు కాబట్టి మహేష్ ఒక సినిమా ఓకే చేసి ఉంటాడు అనే కామెంట్స్ వినిపిస్తున్నాయి. మరి ఈ రూమర్స్ లో నిజమెంత అనేది తెలియాలి అంటే మరికొన్ని రోజులు వెయిట్ చేయాల్సిందే.