Pakka Commercial: ‘అందాల రాశీ’ పాటకు సూపర్ రెస్పాన్స్!

 

‘ప్రతి రోజు పండగే’ లాంటి సక్సెస్ తర్వాత ద‌ర్శ‌కుడు మారుతి చేస్తున్న సినిమా ‘పక్కా కమర్షియల్’. మెగా ప్రొడ్యూస‌ర్ అల్లు అరవింద్ స‌మ‌ర్ప‌ణ‌లో బ‌న్నీ వాసు ఈ చిత్రాన్ని నిర్మిస్తున్నారు. ఇప్పటికే విడుదలైన ‘పక్కా కమర్షియల్’ టీజర్ కు అద్భుతమైన రెస్పాన్స్ వచ్చింది. దివంగత గేయ రచయిత సిరివెన్నెల సీతారామశాస్త్రి రాసిన టైటిల్ సాంగ్ కు మంచి స్పందన లభించింది. షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులతో బిజీగా ఉంది. జులై 1, 2022న ‘పక్కా కమర్షియల్’ ప్రపంచ వ్యాప్తంగా విడుదల కానుంది. తాజాగా ఈ సినిమాలోని ‘అందాల రాశీ..’ పాట విడుదలైంది. డ్రీమ్ సాంగ్ గా భారీ సెట్ లో తీసిన దీనికి మంచి స్పందన వస్తోంది. కృష్ణకాంత్ రాసిన ఈ పాటను శశిచరణ్ భాస్కరుని, రమ్య బెహరా పాడారు. జ‌కేస్ బీజాయ్ దీనికి సంగీతం అందించారు. జానీ మాస్టర్ కొరియోగ్రపీ అందించారు. లాయర్లుగా గోపీచంద్, రాశీఖన్నా నటిస్తుండటం విశేషం. ఈ చిత్రానికి ఎస్.కె.ఎన్. సహ నిర్మాతగా వ్యవహరిస్తున్నారు.